Popular Bible Verses from Akorintiyi I 12

શેર કરો

Zafun Gyi-gyi-yi zhin Wa wu Shekwoyi iko n zaho-zahoi mi ntu naza vinya a pma ɓo.

Ofye vinya fye zhin Kristi nayi nu, zaho-zahoi zhin oga nu nko mi.

N nyasan san oga gmanyi, aga je vinya ɓa gye azhin n gnisun kwoi. N ʼga gmanyi a bwa latu, aje ɓa ce nyi, ɓa dagma n kunsun kwoi.

Zafun ga zaho ɓeda wyemwa nya (genyikpe), zaho kwa wa bwa nyaga ɓeyekpe, nya nu, du Zafun gmanyi nu ga ɓa. Zafun gmanyi nu ga zaho gaiciya-ga zaho gaiciya-ga zaho kwa wa gawo iko wa ka anyasan gna. Zafun ga zaho iko wa zhin aɓo wowoyi, zaho kwa wa bwa waʼazi zhin gba. Zaho wa bwa iko wa kpe ko a zafun nukwoi nu daɓo n naza gbe n ɓa yi ɓahin ge ɓa da Shekwoyi ɓeda nyi, ko kwa zafun Shekwoyi nya nu ku ɓeda n ɓa gbe. Zado jesun wa bwa iko ɓeda nya dna na nyitala gbo-gbo nʼwo to shin ɓa mwitu m zado kasun wa bwa iko anyitala bmapmi nya.

Ama Zafun Gyi-gyi-yi gmanyi nu zhin aɓoye vinya, Woi gna anyaga ye n naza ba shi Wo wyewyeyi cei pma.

Kwo nu ɓe n bwa doloyi n naga nayi nya, ɓai wanje akna shi ega doho-dohoi wan kohin akna nyi.

Anyaga lo gbo-gbo, ama Zafun gmanyi nu gaɓa. Azokwo lo gbo-gbo, n na zhin bauta ama Dagayi gmanyi nu n na zhin Wo bauta. Atnu-tnu lo gbo-gbo, ama Shekwoyi gmanyi nu lo tnu-tnu n naza mi vinya.

Dna ikklisiya kwa, Shekwoyi ku aza zhin fi nko mi, kmisunyi a Nabari tnutnu loyi, bayi a anabi-a waʼazi zhinyi, tahi n nyawuyi; sai ɓewowo zhin-yi, aza kagnayi, aza bmazhin-yi; aza n ɓa ɓa mi ɓa gyabye nazai ɓa zhin tnutnu nʼgbei lodo, n nazai n ɓa da anyitala gbo-gbo.

E, ntuge nayi to bwasun nʼgai gmanyi nun, ama n na gai mwa begye.

Ɓehin-hin, aga nʼyi ci ɓa wyegba ntu ɓa kala gbaɓo, ɓa gna sun napmai mwa.

Ashe nayi vinya ɓo zhin ewye nu, atnubua ɓowo lo numa? Kwoi ɓo zhin tnubua yako ho nu vinya, a wo a bua-sin wuna? Ama shi ko nyi, Shekwoyi ɓei fi a ga doho-dohoi n ɓa aba shi wo ye cei. Ogye nayi wuwuna nu, Kwoi ɓei ngai bwasun lo gmanyi nu a?