Popular Bible Verses from PHILIPPIK 1

શેર કરો

angen komyee ng'olyoondoniito, ale ineendet ne ki toi poisyet ne myee eng' okweek koyaei kosulda agoi peetuutap Jeso Kristo

Ak ni ko saaennyu ale kotesak chamyeng'wong' miising' inne eng' naet ak kaguiyet tugul; si kobiit onai komyee tuguuk che po telunateet; si kobiit oegu che ma tinyei keniisyet, che ma tinyei kanagut agoi peetuutap Kristo

Amu eng' anee ngasabe ko Kristo, ak ngamee ko poroteet.

Amwachini Kamuktaindet nenyu kongoi agobo kabwaatennyu tugul ne abwaatok

Ago ingoek atebeeng'wong' ne nyoljin logoiywek che myach che po Kristo: si ngot anyoo ageerok anan ngo ma mi anee, amuuchi agas agobo atebeeng'wong', keele otonondosi komyee eng' sabeet agenge, eng' muguleldo agenge ogiiligei agobo kayaneetap logoiywek che myach

Ko uu eng' kagenisyennyu ne ageni miising' ak kamang'unennyu, ale ma kigoono alilan eng' kiy age tugul ago eng' nyiganateet tugul, ko uu kotugul, ko uu nooto agine nguno kitoroori Kristo eng' poortanyu, ngo eng' saboondo, anan eng' meet.

amu ki kigoonok agobo Kristo, ma oyan ineendet kityo, ago onyalilye agobo ineendet