Kata Lom 14 માંથી લોકપ્રિય બાઇબલ વચનો

શેર કરો

Li mal̥egenamu, Jáyiiyaju jata Ateemit jilakowut mata hutiñ li ehob, bale jilakolako mata macol, kásuumaay, li ésuumansuum. Wahawu unwu úhaaji Buyinumabu Banabaabu busene wo. An alokumuu boot li Kilisita loon muñaˈa, fan ásuum Ateemit ban bukanabuku fan kufañool.

Uloŋaalumuu, luloŋaaloŋ boot li Amaaŋenawu, li uketaal, luketaaket boot li Amaaŋenawu. Mó mújimuu, óomiyaal li buloŋ mantee foof li uketaal, Amaaŋenawu akilolaal.

Wahawu unwu újimuu, lootaale uŋesaal wahawu wayilimuu úŋalul kásuumaay, li wahawu wayilimuu ukaanolaal min ulitenoolaal li káyinenaku.

Kama ukataal katiiboo; ban li jijuke to jakum bil jikaan wah waate úji atuyuul li ajonten, mantee foof li alo li kahoofoo.

Ateemit lansaan: «Injé Amaaŋenawu aloŋumuu, leene: Anoowan feh fan abil ákuntuŋ hákilom, anoowan feh fan abil ásalumom li butumool.» Mó mújimuu, anoowan li alolaal fan abil ayito hákil Ateemit min acahenoolo akila humumool.

Jiyab an ágootowe li káyinenaku koola, ban jakum jinaak jiwatatenool humum hata wah wan ayinoole li aan ujaajak mantee foof ujakut.

Kama awu ommuu ayi, mata min utiib aloka ata an? Atúkumuu lit, mantee foof li alo, anahaanawu oola bale ayilo alob to wah. Ban fan átuk lit, mata Amaaŋenawu labaje sembe sata min akaanool átuk lit.