Popular Bible Verses from Saŋ 14

શેર કરો

«Boot min ikatuul li kásuumaay. Kásuumaayaku kúmbaam léemi li ikatuul. Let isenuul ko loon adunaayi esene komuu. Jakum jiyina, ban jakum jíkoli.

Yéesu li aanool: — Injé emmuu bútinabu, li mal̥egenamu, li buloŋabu. An ayilaat ajow bata Atuubaawu, okila bájowumut lí ínje.

Yéesu li aan kúgoomaku koola: — Jakum jiyina. Jíyinen li Ateemit, li jíyinen foof lí ínje.

Anattenaawu ammuu Buyinumabu Banabaabu ban Atuubaawu ammuu li áboñul li kajawaku kúmbaam, fan buliikenuul wahawu feh ban li buwal̥l̥enuul wahawu feh wan ilobuulumuu.

«An aŋa’muu kulimaku kúmbaam akaan li buyinumool, ban li aloŋ loon kulobumuu, anawu ummu afañommuu. Atuubawom fan afañ anoowan afañom. Injé humumom fan ifañool, ban fan ikaanool min ahaasom.»

Injé fan il̥aw Atuubaawu min asenuluul anattena akee, min alako li bukuluul boot nanoonan. Anattenaawu ummu, okila ammuu Buyinumabu báhiisemuu bukanabuku mal̥egenamu. Bukanabuku kata adunaayi kuyilaatool kuyab, mata kujukutool, ban kuhaasutool. Bale bukuluul jihaasool, mata ummu téetiwuul, ban ummu li bukuluul.

Ban wahoowah wan jommuu li jil̥aw li kajawaku kúmbaam, fan ikaan wo, bájum Añiilawu li áhiis máyiineniyamu mata Atuubaawu. Jil̥awumuu wah li kajawaku kúmbaam, fan ikaan wo.

— Nokoomuu loon jifañonfañ, fan jinab li kulimaku kan ilobuulumuu.

Baje úfit wameeŋe li eluufayi yata Atuubawom. Leteenutumuu mo, fan ilobeenuul. Boot min ijow ikaan kulako ikat to boot li bukuluul.

Nan emmuu ijow ikaan kulako boot li bukuluul iban, fan ílaañul iŋaluul íjowetum, bájum bukuluul humumuul foof li jilako tan ínje emmuu li ilako.

Toma li aan Yéesu: — Anahaan, áloli jihaasut ban awu ujowe boot. Buu eete kaan li jihaas bútinabu?