Popular Bible Verses from Mathae 24

શેર કરો

Ar bedhoromge ḍherokʼte ḍher hoṛkoakʼ dulạṛ do reaṛokʼa. Menkhan mucạtʼ hạbicʼ okoeye ṭarhao tahen uni do bańcaoe ńama.

Sanam jạtko ṭhen goha emokʼ lạgitʼ serma raj reakʼ bhage sombat do goṭa dhạrtire porcarokʼa ar ona tayom do mucạtʼ hoyokʼa.

Ape do lạṛhại reakʼ saḍekope ańjomma. Menkhan sontorokʼpe! Noate alope botorokʼa, ente noako do hoyokʼgea; menkhan unre hõ mucạtʼtetʼ do ạuriakʼa.

Mitʼ jạt eṭakʼ jạt upạrte ar mitʼ rajosṭi eṭakʼ rajosṭi upạrteko lạṛhạiya. Jaega jaegakore akal hoyokʼa ar dhạrti laṛaokʼa. Menkhan noako do eken bedon reakʼ ehopʼkana.

Serma ar dhạrti do cabakʼa, menkhan ińakʼ katha do jaejug hạbicʼ tahena.

ente ạḍi hoṛ in ńutumte hecʼkateko mena, ‘Iń doń Mạsi kana,’ ar ạḍi hoṛko bulạukoa.

“Unre santaope lạgitʼko soprotʼpea arko gocʼpea. Iń iạte sanam hoṛko hirkhạwapea. Unre ạḍi hoṛko tạkijokʼa ar mitʼ hoṛ do eṭakʼ hoṛe soprotea are hirkhạwaea. Ạḍi utạr eṛe nạbikoko hijukʼa ar aema hoṛko bulạukoa.

Jisui roṛ ruạṛatʼkoa, “Men sontorokʼpe, okoe hõ jemon aloko bulạupe

Onate ape hõ sapṛao akan tahenpe, ente bape hudisetʼkan ghuṛirege Manwa Hopon doe hijukʼa.

“Onate ape do jagwar akae tahenpe, ente bape baḍae hilokʼrege aperen Probhu doe hijukʼa.

“Menkhan okoe hõ ona din ar ona okte reakʼ do bako baḍaea, sermaren goḍetko hõ baṅ, Hopon hõ baṅ, eken Babageye baḍaea.

ente aema eṛe Mạsi ar eṛe nạbikoko hijukʼa ar maraṅ maraṅ hahaṛa kạmi ar cinhạkoko uduga jemon Isorren bachao akan hoṛkoko bulạu daṛeako.

“Noah oktere cetʼleka hoelen onkage Manwa Hopone seṭerokʼre hõ hoyokʼa. Ente ḍubạ laha dinkore Noah do jahajre ạuriye bolokʼ hạbicʼ hoṛko doko jom ńũyetʼ tahẽkana, bạhu joṅkan tahẽkana ko arko jãwãyokʼkan tahẽkana. Ar ḍubạ dakʼ hecʼkate sanamko ạuriye ạtu idiko hạbicʼ onko do cetʼge bako bujhạu daṛeada. Manwa Hoponakʼ hijukʼ hõ ṭhik onkage hoyokʼa.