Popular Bible Verses from Y-Sôphôni 3

શેર કરો

Yêhôwa Aê Diê ih dôk ti krah ih, Ñu jing Pô mâo klei myang dưi bi mtlaih ih; Ñu srăng hơ̆k êdi kyua ih, Ñu srăng lŏ bi êdah kơ ih klei Ñu khăp. Ñu srăng hơ̆k kyua ih hŏng klei mmuñ kraih.”

Hlăm ênuk anăn Kâo srăng lŏ atăt diih wĭt, hlăk anăn Kâo srăng bi kƀĭn diih mđrăm mbĭt. Kâo srăng brei diih jing hing ang leh anăn mâo klei bi mni ti krah jih jang phung ƀuôn sang lăn ala, tơdah Kâo srăng lŏ atăt phung mnă diih wĭt ti anăp ală diih,” Yêhôwa lač.

Yêhôwa mă hĕ leh klei phat kđi kơ ih, Ñu suôt leh phung roh ih. Yêhôwa, Mtao Israel, dôk ti krah ih; ih amâo srăng lŏ huĭ kơ klei jhat ôh hlŏng lar.

Nĕ anei, hlăm ênuk anăn Kâo srăng ngă kơ jih jang phung ktư̆ juă ih; Kâo srăng bi mtlaih phung êwiên leh anăn bi kƀĭn phung arăng bi bra đuĕ leh, leh anăn Kâo srăng brei kơ diñu klei bi mni leh anăn klei hing ang hlăm grăp čar arăng bi hêñ diñu leh.