Popular Bible Verses from Bruă Phung Khua Ƀĭng Kna 2

શેર કરો

Y-Pêtrôs lač kơ diñu, “Kmhal bĕ kơ klei soh diih, leh anăn brei grăp čô diih tŭ klei ƀaptem hlăm anăn Yêsu Krist, čiăng mâo klei pap brei kơ klei soh diih; leh anăn diih srăng mă tŭ Yang Mngăt Jăk Aê Diê brei.

Diñu gĭr hlăm klei hriăm klei phung khua ƀĭng kna mtô, hlăm klei bi mguôp, hlăm klei kjoh kpŭng, leh anăn hlăm klei wah lač.

Jih jang diñu bŏ hŏng Yang Mngăt Jăk, leh anăn dơ̆ng blŭ hlăm klei blŭ mkăn, tui si Yang Mngăt Jăk brei kơ diñu blŭ.

Bhiâo riâo rit mâo ênai hriê mơ̆ng adiê msĕ si ênai angĭn ktang, bi bŏ jih sang anôk diñu dôk gŭ bi kƀĭn. Leh anăn diñu ƀuh êlah msĕ si êlah pui bi êdah, nao dôk ti dlông grăp čô diñu. Jih jang diñu bŏ hŏng Yang Mngăt Jăk, leh anăn dơ̆ng blŭ hlăm klei blŭ mkăn, tui si Yang Mngăt Jăk brei kơ diñu blŭ.

Grăp hruê diñu bi kƀĭn hlăm sang kkuh mpŭ, leh anăn kjoh kpŭng hlăm sang diñu pô, hŏng ai tiê hơ̆k mơak leh anăn luă gŭ, bi mni kơ Aê Diê leh anăn bi mơak kơ jih jang phung ƀuôn sang. Leh anăn grăp hruê Khua Yang lŏ thiăm kơ Phung Sang Aê Diê phung mă tŭ klei bi mtlaih.

‘Aê Diê lač, Hlăm ênuk knhal tuč srăng truh snei: Kâo srăng tuh Mngăt Myang Kâo ti jih jang kđeh; phung anak êkei leh anăn anak mniê diih srăng hưn êlâo, phung êkei hlăk ai diih srăng mâo klei bi ƀuh, leh anăn phung êkei mduôn diih srăng mâo klei êpei.

Jih jang phung đăo dôk mbĭt leh anăn mâo djăp mta mnơ̆ng mbĭt msĕ mơh. Diñu čhĭ lăn hma leh anăn ngăn drăp diñu, leh anăn bi mbha dŏ anăn kơ jih jang tui si grăp čô kƀah.

Snăn hlei pô srăng kwưh akâo kơ anăn Khua Yang srăng tlaih.’

yang hruê srăng bliư̆ jing mmăt, leh anăn mlan srăng bliư̆ jing êrah, êlâo Hruê Khua Yang srăng truh, hruê prŏng leh anăn guh kơang.