Popular Bible Verses from Salmo 139

શેર કરો

Dadayen koymo ta mayanong ka sincharan do atavo a pinarin mo do mapia kano makakniknin a nakamaog mo diaken. Mapanmo ko ya so oyod a mapia.

Tiban mo so kapiahen o tawol ko as kaproyba mo so atavo a mian do aktokto ko. Chitahen mo a ipavoya diaken o atavo a sinadan ko as kapawnot mo na diaken do kaparin no abo aya so pandan a viay a ipakamia mo.

Inamaog mo o atavo a parte no karakohan ko as kapayonawnay mo diaken do irahem no vodek no ina ko.

Navoya mo yaken a manam so nakawara ko as kaplano mo na so viay ko. Maday do araw no kaviay ko am nakatolas do libro mo a manam so kasitnan ko a ominawa.

Apo ko a Dios, mapanmo mo o atavo a komapet diaken as kano mian do irahem no tawol ko.

Dino angayan ko a omotap dimo. Anmana ara paro angayan ko a kaboan mo?

Mapanmo mo o atavo a parinyen ko as aran do mavawa am mapanmo mo o atavo a mian do aktokto ko.

Aran manam pa o kapayliliak ko am mapanmo mo na an ango anti o vatahen ko.

Mavoya mo yaken an maytrabaho ako anmana maynaynehah ako. Mapanmo mo o atavo a pariparinyen ko.