Popular Bible Verses from Tongo nda ti aye 13

શેર કરો

Tongaso, kodro so mo yeke baa ni so, mbi yeke mu ande ni na mo nga na *ahale ti mo, titene aga ti ala biani biani.

Na peko ti so Lot na Abram akangbi tere awe, KOTA GBIA atene na Abram: “Luti na ndo so mo yeke daa so, yo le ti mo na nduzu, mo baa ndo na mbage ti Banga, na mbage ti Mbongo, na mbage ti To, na mbage ti Do.

Mbi yeke sara titene ahale ti mo aga mingi tongana fuku ti sese; tongaso, zo so alingbi ti diko fuku ti sese, fade lo lingbi ti diko ahale ti mo.

Abram atene na Lot: “Ayeke nzoni mbi na mo, e papa na popo ti e pepe si awabatango-nyama ti mbi na ala ti mo apapa nga na popo ti ala pepe, ngbanga ti so e yeke a-ita.

Abram amu ada ti lo ti bongo si lo gue ti duti na ndo so akeke ti shene ti Mamre ayeke daa na Hebron. Lo leke mbeni gbalaka ndali ti KOTA GBIA kâ.

Lot ayo le ti lo na nduzu, lo baa so sese ti tere ti ngu ti Jourdain, ngu asua na ya ni nzoni mingi. Kozo titene KOTA GBIA abuba agbata ti Sodome na Gomore, nzoni sese ni ague ngbii asi na Soar, sese ni ayeke tongana yaka ti KOTA GBIA, wala tongana kodro ti Ezipte.