Popular Bible Verses from Yauhas 6

શેર કરો

Yexus hais rau lawv tias, “Kuv yog cov mov pub txojsia. Tus uas los cuag kuv yuav tsis tshaib, thiab tus uas tso siab rau kuv yuav tsis nqhis dua li lawm.

Vaj Ntsuj Plig yog tus uas pub txojsia, lub cev nqaij tawv tsis muaj qabhau dabtsi. Tej lus uas kuv hais rau nej yog Ntsuj Plig ntawd thiab yog txojsia.

Tsis txhob ua haujlwm nrhiav tej mov uas txawj lwj, tiamsis yuav tsum nrhiav tej mov uas nyob ruaj thiaj tau txojsia ib txhis tsis kawg, uas Neeg leej Tub yuav pub rau nej, rau qhov Vajtswv uas yog leej Txiv twb nias hom thawj qhwv nws lawm.”

Rau qhov kuv leej Txiv lub siab xav li no, yog txhua tus uas pom leej Tub thiab tso siab rau nws yuav tau txojsia ib txhis tsis kawg thiab kuv yuav tsa tus ntawd ciaj sawv rov los rau hnub kawg.”

Yexus teb lawv tias, “Vajtswv tes haujlwm yog li no, yog ntseeg tus uas Vajtswv txib los.”

Txhua tus uas leej Txiv muab pub rau kuv yeej yuav los cuag kuv. Thiab tus uas los cuag kuv, kuv yuav tsis muab laim pov tseg kiag li.

Ximoos Petus teb Yexus tias, “Tus Tswv, peb yuav mus cuag leejtwg? Koj tej lus thiaj pub txojsia ib txhis tsis kawg.

Kuv yog cov mov pub txojsia uas los saum ntuj los. Yog leejtwg noj cov mov no tus ntawd yuav muaj txojsia nyob mus ib txhis tsis kawg. Thiab cov mov uas kuv yuav pub rau lub ntiajteb muaj txojsia kuj yog kuv lub cev nqaij.”

Tsis muaj leejtwg yuav los cuag tau kuv tsuas yog leej Txiv uas txib kuv los rub nws los xwb, thiab kuv yuav tsa tus ntawd ciaj sawv los rau hnub kawg.

Rau qhov Vajtswv cov mov yog tus uas los saum ntuj los thiab pub txojsia rau neeg ntiajteb.”

Kuv yog cov mov pub txojsia.

Yexus txawm muab cov ncuav ntawd los mas thaum nws ua Vajtswv tsaug tag nws muab faib rau cov neeg uas zaum ntawd npaum li uas lawv cheem tsum, thiab muab cov ntses faib ib yam li ntawd. Thaum lawv noj tsau lawm Yexus hais rau cov thwjtim tias, “Cia li khaws tej uas lawv noj tsis tag cia, tsis txhob cia ib nyuag qho poob xuam mus.”

Thaum lawv nquam nkoj mus kwvlam tsib rau kilu kev, lawv pom Yexus mus kotaw saum nplaim dej hiavtxwv tabtom tuaj ze lub nkoj. Lawv ntshai kawg, tiamsis Yexus hais rau lawv tias, “Yog kuv ntag. Tsis txhob ntshai.”