ओच्छे ङाइ परमेश्वर आबादेन छ्याम बिन्ती लला, ङाला साटोरी परमेश्वर आबासे एनीगदेदा ह्रो लबा आत्मा पुइखला। थे सदन एनीगदेदेन छ्याम धन्छ्याला। थे आत्मासे एनीगदेदा परमेश्वरला बारेरी सत्य ताम घोना लला। तर थेदा जम्बुलिङला म्हिगदेसे विश्वास आल, तिग्दा भिसम जम्बुलिङला म्हिगदेसे थेदा न्ह म्राङ्ला न्ह ङोसेला। तर एनीगदेसे मी थेदा ङोसेला, तिग्दा भिसम थे एनीगदेदेन छ्यामनोन मुला ओच्छे थे एनीगदे न्हङरी धन्छ्याला।