Popular Bible Verses from مرقوس 10

શેર કરો

چونکی حتّا ائنسان اوغلو دا، اونا خئدمت اولونماق اوچون گلمه‌دی. او گلدی کی، خئدمت اتسئن و جانینی چوخ آداملارین یولوندا فئدئیه ورسئن.»

عئسا اونلارا باخیب ددی: «ائنسانلار اوچون بو قیری‌‌مومکوندور، لاکئن تاری اوچون یوخ. تاری اوچون هر شی مومکوندور.»

عئسا اونا ددی: «گت، ائمانین سنه شفا وردی.» او آندا کور آدامین گؤزلری گؤرمه‌یه باشلادی و یولا دوشوب عئسانین دالینجا گتدی.

اونون اوچون تارینین بئرلشدئردئیئنی ائنسان آییرماسین.»

عئسا اونا باخیب اونو سِودی و اونا ددی: «سنئن بئر شیئن اَسکئکدئر. گت نه‌یئن وارسا، سات، مؤحتاج آداملارا پایلا، گؤیده ثروتئن اولاجاق. سونرا گل منه پِیرَو اول.»

عئسا اوندان سوروشدو: «نه ائسته‌یئرسن کی، سنه ادئم؟» کور آدام اونا ددی: «اوستاد، گؤزلرئم گئنه گؤرسون.»

آمّا سئزئن آرانیزدا بله اولمامالی‌دیر. آرانیزدا بؤیوک اولماق ائسته‌ین، گرک او بئرئلرئنه خئدمت اتسئن

دوغروسونو سئزه دیئرم، تارینین پادشاهلیغینی بئر اوشاق کئمی قبول اتمه‌ین اونا گئره بئلمز.»

لاکئن بئرئنجئلرئن چوخلاری آخیرینجی، و آخیرینجی‌لارین چوخلاری بئرئنجی اولاجاقلار.»

لاکئن خئلقتئن باشلانیشیندان تاری اونلاری کئشی و آرواد یاراتدی. بو سببدن کئشی آتا-آناسیندان آیریلاجاق و آروادینا یاپیشاجاق و ائکئسی بئر بدن اولاجاقلار، اله کی، آرتیق ائکی بدن یوخ، بئر بدن اولاجاقلار.