Popular Bible Verses from ۲تسالونئکلی‌لره 2

શેર કરો

قویمایین هچ کئم سئزی هچ بئر نحو‌له آلداتسین. چونکی اوّلجه، ائماندان دؤنمه زامانی گلمه‌مئش و هلاکت اوغولو اولان او شرئعتسئز آدام ظوهور اتمه‌مئش، او گون گلمیه‌جکدئر.

لاکئن بئز، ای ربّئن سوگئلئلری اولان قارداشلار، سئزه گؤره گرک همئشه تارییا شوکور ادک. چونکی تاری باشلانیشدان سئزی موقدّس روحون تقدئسی و حقئقته اولان ائمانین واسئطه‌سی‌ائله نئجات اوچون سچئب.

او آدام هر تاری و یا عئبادت ادئلن شیه ضئدّ دوروب، اؤزونو اوجالداجاق، اِله کی، تارینین معبدئنده اَیله‌شئب، اؤزونو تاری کئمی گؤرسده‌جک.

قوی ائندی عئسا مسئحئن اؤزو کی، بئزی سوئب و بئزه ابدی تسلّی و فیضی ائله یاخشی اومئد ورئب، و آتامیز تاری هر یاخشی عمل و سؤزده اورَکلرئنئزه تسلّی ورئب، قووّتلندئرسئن.

بو سببدن تاری اونلارین اوستونه سهوه چکن بئر گوج گؤندَ‌ره‌جک کی، یالان اولانا ائنانینسینلار

یعنی، او ظوهور ادن آدام شیطانین فعالئیّتئنه اَساسلاناراق، بوتون قودرت و علامتلر و یالانچی عجایئبلرله، و هلاک اولانلارین آراسیندا هر جور پئسلئیئن حئیله‌سی ائله گله‌جکدئر. چونکی حقئقتئن محبّتئنی قبول اتمه‌دئلر کی، بله‌جه نئجات تاپسینلار.

چونکی شرئعتسئزلئیئن سئرّی ائندی بله ائشده‌دئر؛ آنجاق اونا ائندی مانع اولان بله اده‌جک، او زاماناجاق کی، آرادان قالدیریلسین.