Popular Bible Verses from Rum 14

શેર કરો

Tsaya ná, nza a ga mghama Lazglafta ka gwaɗa ta skwi ŋa zay nda za, nda gwaɗa ta skwi ŋa say nda sa wa. Nda nza ŋa gwaɗa ta nzaku tɗukwa, nda zɗaku, nda ya nda nzaku nda rfu nda ma Sulkum nda ghuɓa. Ka mantsa ya ka mndu maga slna Yesu Kristi katsi ná, dzaʼa zɗəgana zɗa ta Lazglafta, dzaʼa rfay mnduha guli.

Ka ta nzaku mu nda hafu ná, ka ŋa Mgham Yesu ta nzakwa mu. Ka ta mtaku mu, ka ŋa Mgham Yesu ta mtakwa mu. Dər tata nzaku mu nda hafu, dər mtu mta mu, ŋa Mgham Yesu mu.

Mantsa ya tama ná, ŋavama ŋa ka zba skwi ya dzaʼa klaktá zɗaku nda ya ŋa ŋla guyatá ghəŋa mu.

Ma tsəglə mu ta guma ta ghəŋa sani nda sani mataba mu. Katək ná, ɗina ka ndanay dər wa kazlay: Yaha yu da nzakway ka skwa tuthun da zləmbiŋtá yu ta zwaŋama ɗa kəʼa.

Manda ya nda vinda ma deftera Lazglafta na: « Ka iʼi Lazglafta hafu ta mnaghunata, dzaʼa sagha sa inda mndu tsəlɓata ta kəma ɗa. Inda taŋ dzaʼa mnay həŋ nda wa taŋ kazlay: Iʼi Lazglafta kaʼa. » Mantsa ya tama ná, inda amu dzaʼa mnay mu nda wa mu ta skwi ya maga mu ŋa Lazglafta.

Tsuʼawatsuʼa ta mndu ya nda hta mbrakwa ni ma zlghay nda ŋuɗuf, ma vzə kuni ta rutsak ta skwi ya ta ndanu tsi.

Wa kagha ŋa tsay kagha ta guma ta kwalva sana mndu? Ka nda slada tsa mndu ya, ka nda zləmba a tsi, nghanatá daŋahəga ni həga ni tsaya. Zləmbuta a wu, kabga mamu Mgham *Yesu nda mbrakwa hinistá dzvu.