Popular Bible Verses from Rum 12

શેર કરો

Ma ksə kuni ta saɗa mnduha ma na ghəŋa haɗik na, zlaŋwa Lazglafta ka mbəɗaghunafta tsi ta ndana ghuni ka lfiɗ, kada laviŋta kuni ta tsatsaftá skwi ta kum Lazglafta, skwi ya ta ɗinuta, ta zɗəganata, ta payuta.

Zwana ma ɗa, dagala tawa hiɗahiɗa Lazglafta ta amu. Tsaya tama ta kəl yu ka ndəɓa ghunata dzvu. Vlaŋwa vla ta ghəŋa ghuni tsuh tsuh ta Lazglafta manda skwa pla ghəŋ nda hafu mida, nda ghuɓa ta zɗəganata. Tsaya vərɗaka tva tsəlɓay ghuni ta tsəlɓu ŋa ni.

Nzawa nza nda rfu ma fata ghəŋa ghuni. Ksawaksa ta ŋuɗuf ma ghuya ɗaŋwa. Ndiʼawandiʼa ka maga duʼa ma zlaŋ kuni.

Ma zlana ka ta ghəŋa gha ka gay ŋaslu ta mgham ta ghəŋa ni. Katək ná, maga kagha ta skwi ɗina ŋa ŋraptá ŋaslu.

Manda zwana ma ka kuni ɗvuvustá vgha ghuni mataba ghuni. Ŋavawa ŋa ta tiŋlaghuta vlaŋtá glaku ta sani ta ghəŋa ghuni.

Hmətət ka kuni ɗvuvustá vgha ghuni, ma mag kuni ta maɗgwirmaɗgwir. Ka husaghuna husa inda ghwaɗaka skwi. Ŋafwa vgha ta skwi ɗina.

Ka ta magaku tsi ŋa nzata nda zɗaku nda inda mndu ná, magawa maga ta kɗavakta mbrakwa ghuni.

Zwana ma ɗa, ma planam kaghuni ka ghəŋa ghuni ta ŋasla mndu, zlanaŋwa zla ta ɓasa ŋuɗufa Lazglafta. Ka lu vindafta ma deftera Lazglafta na: « Iʼi dzaʼa planamtá mndu, iʼi dzaʼa vranamta, » ka Mgham Lazglafta mnata.

Kwats kwats ka kuni, ma yaɗi kuni ta yaɗi, ufa ka vgha ghuni ka maga slna Mgham *Yesu.

Nda ma tsa zɗakatahuɗi zɗəɗiŋ Lazglafta ka fimta ma slna ni ya, ka yu ta mnay ŋa inda kaghuni ná, ma klaf dər wa ta ghəŋa ni ka sana skwi. Manda ya ta raku, ka dər wa ka klaf kla tsi ta ghəŋa ni, ka gray nda slna zlghay nda ŋuɗuf ya vlaŋ Lazglafta.

Ma vranam kuni ta ŋaslu nda ŋaslu ta mndu. Zbawa maga skwi ɗina ta wa ira inda mnduha.

Hmətət ka kuni nzaku mataba ghuni sani nda sani. Ma zbə kuni ta gla ghəŋ. Magawa maga ta skwi ya ta nghə lu kul haɗ ghəzliwa ni. Ma klaf kuni ta ghəŋa ghuni ka gwal nda sna ta inda skwi.

Katək na, « ka ta kuzlaŋ kuzla maya ta ghuma gha katsi, vlaŋ vla ta skwi ŋa zay, vlaŋ vla ta imi ŋa say. Ma tsa maganata gha mantsa ya ná, nda nza manda skwi ta hanzanaghatá lanzəŋa vu ka ta bɗəma ni. »

Ɗawawa tfa wi ta ghəŋa gwal ta giri ŋa ghuni. Ɗawawa tfa wi ta ghəŋa taŋ, ma ksiʼi kuni ta həŋ. Rfawa rfa ta rfu kawadaga nda gwal ta rfu. Tawawa tawa ta taw kawadaga nda gwal ta taw guli.

Dguvuswa dga ta skwa ghuni nda gwal zlghay nda ŋuɗuf ta pɗay. Tsuʼawatsuʼa ta mayəm.

Inda mndu ná, tsuhmbura vgha turtuk nzakwa ni, tsa vgha ya guli ná, nda ndəgha fawayha tida. Ka skwa turtuk a slna tsa fawayha ya guli wa. Manda tsaya guli ná, nana ndəghata amu na ná, tsuhmbura vgha turtuk mu ma *Kristi. Ka faway ka faway nzakwa inda na amu na guli.