Popular Bible Verses from Metiu 5

શેર કરો

Eme ya iri lau telemei sun, iri batehei bado bahandra bwekei bwe. Iri atehei udu ndrahunen loken, tasah lomadan kameh lomatani lau mari ado bolo asiu. I le buku san dah lomada ado kanya kili bwena ta lau. Ya idah kameh iri lau atou lahou tado ma kandriyen mwasin tado, eme ya iri lau kameh sekesek ma atudun tama ado Kindrei udu kandrah.”

“Ado kasahan buku lomadan ta lomada iri lau ado bwele-e munyak. Ya, i buku kon tinan ari udu bwele-e mandrei, iy winiyan baton bwe. Iri lau ado len winiyan atou lomadan.

“Sekesek handru i toro lau ala budon ma kandriyen toro udu mwasin, ya idah kameh oro atou Kindrei.

“Sekesek handru i toro lau ala abadok ta asilah budon mwasin ma hawe manyah mwasin ta Kindrei i buku oro ameson ta nyamon ma i buku bale oro amar ta gwa ta a-un, ya idah kameh oro adih handru.

Arile jo katiye tam, ou aseken iri lau amekes budon ndra-in ewek tam. Ma ou amekes salom ki ta Kindrei ta iy kaseben iri lau amekes ndra-in ewek tam ta adai ou.

“Sekesek handru i toro lau ala ado ndra-in ta budon ma hawe manyah toro, idah kameh Kindrei atondrok oro ma oro kameh akohok iri lakou mwasin tan.

“Sekesek handru i toro lau ala abadok ta amekes kandriyen mwasin ta mondrei, ya idah kameh iri aloh oro nadu Kindrei.

“Sekesek handru i toro lau ala ado ndra-in ta tikisiy ma ndrelen, idah kameh Kindrei bahabah oro ma oro ado ta sekesek handru.

“Sekesek handru i toro lau ala iri lau adai oro ma iri tawi oro ma andrei oro ala bolo kou, tasah oro badeh amekes kandriyen mwasin, ya idah kameh Kindrei kameh atondrok oro ma oro kameh akohok iri lakou mwasin tan.

“Sekesek handru i toro lau ala abadok ta amekes kandriyen ta tikisi lau, ya idah kameh tikisiy ta Kindrei tinan ili bwele-e oro.

“Sekesek handru ewek tado tasah, iri lau asehek sahou ta bobose ado ma iri adai ado ma iri asehek sahou ndra-in handru ta wasai ewek tado, tasah ado a-en hamon tek. Ya, ado kasekesek, tasah ndramas mwasin udu kandrah kodo-oh abe-en ado. Idoh i le buku san iri lau ndradai iri propet mene ndrame bwena tado.”

“Sekesek handru i toro lau ala batudun oro ma nyara oro le bwe. Oro kameh akohok iri lakou mwasin badu munyak i buku le Kindrei ndratandrakan.

Jises asehek ili le i buku doh, “Ado kaseben iri lau i buku ndras aseben nyamon ta munyak dah. Arile, i buku nyiminye ndras aliy bwe, ki buku sah handru kameh nyiminye ndras doh kasahan ja? Ndras doh bala mwasin ta i bolo ari nyamon bwai. Mwasin handru ta kakahei ndras doh ki-iu ma lau katisih na kati iri.

Ou ado le mwasin handru i le buku tamam udu kandrah udu le mwasin handru.”

Ya buku ou asehek sahou, ‘Ehe,’ ‘Ehe’ le kai-iy ai. I buku ou asehek sahou, ‘Bwe,’ ‘Bwe’ le kai-iy ai. Ya, i buku none iri sahou boto-on labai asahan ja, badeh, asahan ta balik.”

Jises asehek ili le i buku doh, “Ya ado ndranuhun sahou dah ndrasehek i buku doh, ‘I buku none are lau sudi madam eme len, ya ou ala sudi madan keme len ale. Ya i buku none are lau tubwani lihim, ya ou ala tubwani lihin ale.’ Arile jo katiye tam, ou sadeu saluwe kandriyen ndra-in ta ndramak are edeu kandriyen ndra-in ewek tam, ndri-iy. Ya i buku none are lau ubwi lim ili kapam salin, mwasin, ou tubuni kapam kamweu kili ja, ya iy kubwi lim ki aliy ale.

Ya i buku none madam salin suni ou ala bolo kandriyen ndra-in ta karei, ou holowani madam salin keme len, ya ou akahei ki-iu. Mwasin ta ou holowani madam salin ki-iu, ndra-in ta sakahei ou ma buruwen sala bolo jih ta udu le buku doh. Ya, i buku none minem salin suni ou ta amekes kandriyen ndra-in ta karei, mwasin ta ou saniy ki-iu ya ou akahei ki-iu. Mwasin ta ou sani minem salin ki-iu, ndra-in ta sakahei ou ma buruwen sala bolo jih ta udu le buku doh.”