Popular Bible Verses from San Juan 17

શેર કરો

Magua mua pʉrʉgta am kõit jeeu chirʉmgui ajim, pʉch iek jaau nʉm phidag gaaita am phe wai chitamkhĩir. Magnaa, Tata, ãba pʉch iekta chadam iekhaugui ajim.

Mag am ich mag mʉ dʉi wenʉrraagan, amau pʉjã khaphʉnaa mʉjã khaphʉ aju aai nʉmgui ajim: ãba pʉʉta Ẽwandam charau, maagwai mʉ Jesucristo, pʉchdeu pʉitarr.

’Tata, mua mʉg pʉrʉg jeeu chirʉm chan sĩi cha mʉch dʉi wenʉrrʉm khʉʉn kõitpai khaba, mʉg atag amau jaau wetum ũrwia mʉch iek ʉkhaju khʉʉn kõitpata pʉrʉg jeeu chirʉmgui ajim. Tata, jãg maach numijã o ãba naajemjo, ich agjo ĩchab amjã maach dʉi o ãbata phe wai chitapim khõsi chirʉmgui ajim. Mag amʉn magan bigaaum khʉʉnaujã mag oowia khaphʉ aju, puata mʉ pʉijim.

Mua chan pʉrʉg, mʉg durr gaaimua warre am chawag phe athaad aba, muan sĩita pʉrʉg, am thʉabá a chirʉmgui ajim, dosãtau am khũgurwia amachdeu ʉkhatarr iekta deeu isegam ugua.

Pʉchdeu mʉ pʉiwia mau eegar chirʉmjã agtha pʉch dʉi ãba ʉ̃gthar chirʉmjo apitarrjo, ya amjã mua mʉch dʉi õor ãbpaimjota phe wai chitʉmgui ajim, maachjo o ãba ich mag naamkhĩir. Magua, mʉ am dʉi chirʉm aig, pʉjã mʉ dʉi sim, mag nʉmua maach thum o ãba naag. Maagwai pʉ iek ʉkhaba nʉm khʉʉnaujã khaphʉ aju, puata chadcha mʉ pʉijim. Mag gaaimua ĩchab khaphʉ ajugui ajim, ich jãg pʉchdeu mʉ khõsi simjo amjã pua khõsi chirʉm.”