Popular Bible Verses from Zan 19

શેર કરો

Kan Zezi ti'n gout sa vineg, i ti dir, “Tou in akonpli!” Apre, i ti bes son latet e i ti rann son souf.

Apre sa, Zezi ti war ki tou keksoz ti'n fini realize, e pour akonpli Lekritir, i ti dir, “Mon swaf.”

Kan Zezi ti war son manman obor sa disip ki i ti kontan, i ti dir avek son manman, “Fanm! La ou garson.” Apre, i ti dir avek sa disip, “Garson! La ou manman.” Depi sa zour, sa disip ti anmenn Mari reste kot li.

Me ler zot ti ariv kot Zezi, e ki zot ti war ki i ti'n deza mor, zot pa ti kas son lazanm. Me enn bann solda ti pers son kote avek son lans. Osito ti sorti en delo disan.

Sa in arive pour ki sa pasaz Lekritir i akonpli: Okenn son lezo pa pou kase. Ankor en lot pasaz i dir: Zot pou get sa enn ki zot in transperse.

Alor, bann solda ti pran Zezi. Zezi ti sorti avek son lakrwa, pour al dan en landrwa ki apel Krann, Golgota dan lalang Ebre.

Bann solda ti tres en kouronn pikan ki zot ti met lo son latet; zot ti met li en gran rob rouz.