ROMMAI 10 માંથી લોકપ્રિય બાઇબલ વચનો

શેર કરો

Daiolouzü neletao nou Jisu hai Mapaowo süe tea neletao tainou paopa-a louzü ea neletao lethou hinou Ramai nou puhye sü athai hinou sou hrishu peire tea louche louzü, neletaosü khailu loulai.

Daiolouzü emainou puh lethou hinou loucheloua Ramaiye koa souzüloue; alia puhnou puhvei tainou mah paopaloua khailuloue.

Südonou chipao choulouyu vanou lü vewe, alia Khrista ko paodouyu vanou chipao nasü vewe.

Sheeyu larübvü nou paoe, “Puhye loucheyu maitaliye sü panou ahrao ngaolaimoe.” Hai hisü mai hrülai loukhaire, daiolouzü sühisü Jihudimai ea tahrüh kukhemai kole hi takuyu hae; Ramai hai mai hrülai vei Mapaobaie ea puhye kua bumai hrülai hisü alaosou hapeiwe. Haisü sheeyu larübvü nou paoyu kue, “Mapao vei zhih kua bumai hrülai sü khailu loulai.”

Alia maiye seita moanou kakua puletao nou ko paodou loulai? Haisü haibüa rüthouyu kue, “Ko avei paodouyu puletao phisü daizhozhou zhai veisa!”

Ana puletao nou louche moyu puhye sü kabüa puletao nou kulai? Alia puh vanou choukhaimoa kabüa puletao nou puhye louche loulai? Alia ko paodoumai ha-a puletao nou kabüa chouloulai?

Daiolouzü lülouyu maitaliye Ramaiye koa souzü peiloure donou Khrista nou razhai vei akhai nasüe.