MATHIU 6 માંથી લોકપ્રિય બાઇબલ વચનો

શેર કરો

Ana neletao nou rairaikaia Ramai Vedei ea puh vei acheche nasü phoulo, alia na haitao teitei sü neletao hi thoupu peilai.

Südonou dosoye donou dowuso, daiolouzü doso-a lah thao doyu bubailai. Naili veayu hai naili donou khabaie.

“Südonou Enou neletao hi paowe, neletao nou hriloure donou dai toulai, dai sholai; moa neletao pfüphao donou dai ba-noulai tea dowuso. Hrirai nanou touso jünou ea pfüphao nou sahnü jünou muh kouhi mowu?

Ana nenou veachi paoyu kisü ne kikhahi louloua kikhu khuwo ea ngaomoyu ne Puohi veachi paokhaio. Alia nenou kheia souyu ngaoa buyu ne Puonou neye buu peilai.

Südonou haibüa veachi paolo: ‘Rakibu Eh Puo: Ne zhih soushee peio; ne vedei vepeio; rakihi büa deiphao hi-a nedo soupeio.

Eh teithetsü touso zhou peio.

Ehnou-a Ehpao pfümaitaoye khaipeiwuyu büa, Ehpao khaipeio.

Alia Ehye athaohi süthailou peiwuso, ana Ehye ashina hinou vupapeio.’ (Daiolouzü Vedei, khouko ea khouko avasü teisanou neveie. Amen)

“Daiolouzü neletao nou maikhemai mah khaipei louzü, rakibu neletao Puonou-a neletaoye khaipeilai.

Zhaosühao-a laiyu raohoutaoye zhukhaio; puletao sü thoutai vuthou moe, moa cha chiloua thoupaohi pove dzükhai moe; sütoukhaia rakibu neletao Puonou puletaoye vaitou peiwe! Neletaowo puletao jünou muh koushohi mowu?

“Rükhao ea hubanou souhalou veiyu, alia vaomainou dakhaoloua vaolou veiyu, deiphao haina hinou lah neletaoye donou kini podzüwuso. Süjüwo rükhaonou ea hubanou souhalou hoyu ea vaomainou dakhaoloua vaolou hoyu raki hinou lah neletaoye donou kini podzü khailo. Daiolouzü nevei kini buyu hisü ne le-a teisanou bubailai.

“Mailinoua paopu ahaivei qila soulouhoe; daiolouzü puhnou aliye ngaoralai ea kukhe aliye leshilai; moa puhnou alichi zülai ea kukhe alinaye ngaophou laimoe. Neletao nou Ramai ea pousha ahai vei kuvah soulouhoe.

Ana rekouhi poudai zhou likhei hriloua doso meifühi pothou deiyu sünaye Ramai nou süzhou veia natupei louzü, puhnou süjünou veikoushoa neletaoye na tupei laimowu? Oh lü taishoyu maitaore!

Ana nenou toure hamaiye soukhayu kisü nebah zhoulonou soua buyu nasü panou nebah nalo naye süwuso. Sübülouzü nenou souyu nasü kheivah baie. Alia kheia ngaoyu ne Puonou neye buu peilai.

“Maikhemai nghojünou puletaoye panou ngaoloure neletao vei rahrüzhai tayu zhaidotao soungao more donou leikeilo. Neletao nou haitaohai dua soungao louzü rakibu neletao Puo hinou neletao nou buu lia ngaolai moe.

“Alia neletao nou lühyu kisü aveikho soumai büa veayu zhu pongaoso. Daiolouzü puletao nou lühyu hai maiye panou ngaoloure donou puletao zhu sü shira-a laiwe. Enou chekhao-a neletao hi paowe, puletao nou puletao buusü ngaoche loure. Ana nenou lühyu kisü, nepah phülo ea pei hi theadzü nalo, sübülouzü nenou lühyu hai mai kukhenou sülai moe, ana khei-a buyu ne Puonou neye buu peilai.