SEI-ATAMAI VAHTAO 1 માંથી લોકપ્રિય બાઇબલ વચનો

શેર કરો

Ana Rako Mashinou neletao pei hi kouyu kisü, neletao nou khouko sü ngaoloulai; alia neletao nou Jerusalem hi, Judea teitei hi, Samaria hi ea deiphao buh akhai koute Azhopaoh maitao soulai.”

Jisu nou puletao hi paoe, “Apuonou lah puh mado hinou dadekhai touyu pha moa khou-teile sü neletaoye donou süre phamoe.

Alia puhnou puletaoye koa vedzüa buyu hinou, puletao hi chikha hainasü peie: “Neletao Jerusalem thaowu-a taso, ana Apuonou peilai tea apaopeikhai touyu süolouzü Enou neletao hi paongaoyu sapeina sünasü khoa bulo. Daiolouzü Johan nou dzünou dzükhao dapeie, ana phasho khaimoa neletaoye Rako Mashinou dzükhao dapeilai.”

Puhvei vea-hoyu thai teithe raidai levai hinou puhsü hriwe touyu sü motoulou hoyu zhopaohnoupu lüh taoli lah puhnou puletao hi ve ngaopeie. Alia puletao nou puhye ngao-a buyu hinou puhnou puletao hi Ramai Vedei vanou chi paongao peie.

Alia puhnou sükua paocheyu thaisü, puletao nou zhua buyu hinou puhye sü teihi poku pare, alia teihao nou kou puhyesü puletao nghojünou züloua satare.

Alia puhnou ta-a buyuki puletao nou tei hilo zhiteipoa buyu hinou, zhukhaio, sükhaimoa, sabanüh kaanou bahnouyu mai ahai puletao ngheiki kou la-a buloure, alia puhai nou paoe, “He Galilee hi maitaore, neletao daidonou haihinou la-a teihi zhia buwe? Neletao hinou raki hi pokheyu Jisu haina hai, neletao nou puhye raki hi khetayu ngaoyu taibüa, puhsü khaive khailai.”