<div class="version vid491 iso6393mam" data-vid="491" data-iso6393="mam">
 <div class="book bkEXO">
 <div class="chapter ch9" data-usfm="EXO.9">
 <div class="label">9</div><div class="s">Aju c'ixbisabl tu'n cycyim alumaj</div><div class="p"> 1Tzajtzun tma'n Kman te Mois&#233;s:</div><div class="p">&#8212;Tocxa twitz Fara&#243;n ex k'manxa te cyja': Chi Kmane, aju Kdiose ako'ye aj Hebrey: Che ttzokpi'mexa ke xjal etzan wu'ne, tu'n cyc'ulun weye, chi Kman. 2Katzun mi'n ma che ex ttzokpi'na, ex ka cucx ma che cub ttzyu'na, 3tzul t-sama'n Kmane jun yabil cyuwxix cyibaj ke taluna ate' tuj cojbil, ke tcheja, ke tburra, ke tcheja camey, ke twac&#7821;a, ke t-&#7821;ne'la ex ke tchipa. 4Atzun ke cyalun aj Israel che elel tpa'n Kmane cyi'j ke cyalun aj Ejipt, ex mi jun cyalun aj Israel cymel, chicuya te.</div><div class="p"> 5Bi'x o tma Kman alcye k'ij tu'n ttzaj c'ixbisabl lu: Nchi'j bant jlu wu'ne tuj tx'otx' Ejipt, chi Kmane, chi Mois&#233;s.</div><div class="p"> 6Tujtzun juntl k'ij tzaj c'ixbisabl lu tu'n Kman. E baj cyim cycyakil cyalun aj Ejipt; atzun cye aj Israel mi jun cyalun o cyim. 7Xitzun t-sama'n Fara&#243;n jun xjal bilte te, ex mi jun cyalun aj Israel otok cyim. Masque icju, pero cucx cub tcyuwsa'n tanmi, ex minti' e je'tz ttzokpi'n ke aj Israel.</div><div class="s">Aju c'ixbisabl tu'n tx'a'c</div><div class="p"> 8Xi tma'n Kman te Mois&#233;s ex te Aar&#243;n cyja': Cyjato'n jawe nok jte' yub tza'j ttzi jorni, ex cjawix tchitun Mois&#233;s twitz cya'j twitz Fara&#243;n. 9C'oquel tza'j lu te puj tibaj tcyakil tx'otx' Ejipt; ex tu'nju puj lu, tzul jlet tx'a'c cyi'j xjal ex cyi'j alumaj tuj tcyakil tx'otx' Ejipt, chi Kman.</div><div class="p"> 10Jawtzun cyjato'n tza'j ttzi jorni, ex e pon twitz Fara&#243;n. Jax tchitun Mois&#233;s tza'j twitz cya'j, ex jawil jlet tx'a'c cyi'j xjal ex cyi'j alumaj. 11Atzun cye chman minti' bant cywe' twitz Mois&#233;s, tu'n tlaj tx'a'c jaw jlet cyi'j ex cyi'j cycyakil aj Ejipt. 12Pero cub tcyuwsa'n Kman tanmi Fara&#243;n, ex minti' xi tbi'n cyyol Mois&#233;s ex Aar&#243;n, ic tza'n otok tma Kman te Mois&#233;s.</div><div class="s">Aju c'ixbisabl tu'n sakbakun</div><div class="p"> 13Tzajtzun tma'n Kman te Mois&#233;s:</div><div class="p">&#8212;Primx jaw we'ya nchi'j, we'cuya twitz Fara&#243;n ex k'manxa te cyja': Chi Kmane aju Kdiose ako'ye aj Hebrey: Che ttzokpi'mexa ke xjal etzan wu'ne, tu'n cyc'ulun weye, 14ex katzun mi'n, ctzajel nsama'ne cycyakil nc'ixbisable ti'ja, cyi'j keju at cyoclen ttxlaja ex cyi'j ke t-xjalila, tu'ntzun tel tnic'a ti'j mi a'l juntl ic tza'n kine tuj tcyakil twitz tx'otx'. 15Nokwit xi nyec'une wipumale tu'n tc'ixbiseta tu'n yabil, owtlo cyima cyuc'ix ke t-xjalila, 16pero ma cyaj ank'ina wu'ne tu'n tel tnic'a ti'j wipumale, ex tu'n tel tkanil nbiye tuj tcyakil twitz tx'otx'. 17&#191;Maj cucxtzun che bel ttzyu'na ke xjal etzan wu'ne tu'n mi'n cyex ttzokpi'na? 18Bintza, tlokju nchi'j ctzajel nchitune sakbakun alxix wen, aju bajx tzaj jun maj icju atxix tuj k'ij tcublen xe't tnam lu, ex matzun ja'lo. 19Samanxtzuna xjal tu'n cytzaj chmet ke taluna ex tcyakilju at teya tuj cojbil. Katzun mi'n ma che baj tchmo'na tu'n cyul tjaya, che cymel tu'n sakbakun cbel tz'ak cyibaj tuj cojbil, ka xjal ex ka alumaj, chi Kmane, chicuya te Fara&#243;n.</div><div class="p"> 20Akeju xi cyniman tyol Kman cyxol keju attok cyoclen ttxlaj Fara&#243;n, ocx cyk'o'n ke cymajen ex ke cyalun cyuj cyja; 21atzun keju minti' xi cyniman tyol Kman, ax e cyaj cyk'o'n ke cymajen ex ke cyalun tuj cojbil. 22Tzajtzun tma'n Kman te Mois&#233;s cyja':</div><div class="p">&#8212;Nukpinx tk'aba twitz cya'j tu'ntzun ttzaj sakbakun tibaj tcyakil tx'otx' Ejipt, cyibaj ke xjal ex ke alumaj, ex tibaj tcyakil awal tuj cojbil tuj Ejipt.</div><div class="p"> 23Xitzun tnukpi'n Mois&#233;s tcy'ako'ch twitz cya'j. Tzaj julin k'ancyok tu'n Kman, ex tzaj sakbakun. Tzaj koptz'aj tkan k'ancyok, ex tzaj chitj sakbakun tu'n Kman tibaj tx'otx' Ejipt. 24Cu'tz chitj sakbakun twitz cya'j tuc'ix tkan k'ancyok nimxix wen; bajx tzaj jun maj icju atxix tcublen xe't tnam Ejipt. 25Tcyakilju attok tuj cojbil tuj tx'otx' Ejipt o naj tu'n sakbakun, tza'nx ke xjal ax icx ke alumaj. Ax icx o naj tcyakil awal, ex cycyakil tze' bi'x e baj naj. 26O'cx tuj tx'otx' Gos&#233;n jatum najltok ke aj Israel, minti' cub sakbakun.</div><div class="p"> 27Xitzun txocbaj Mois&#233;s ex Aar&#243;n tu'n Fara&#243;n, ex xi tma'n cye cyja':</div><div class="p">&#8212;Ma chin binchane il ja'lo. Ate Cymane tz'aklxix, atzun weye ex ke nxjalile aj il ko'ye. 28Che cubsane twitz Cymane tu'n twe' sakbakun ex k'ancyok in julin tu'n. Jacu che ex ntzokpi'ne ke xjal ex mlay che cub ntzyu'ntle, chi Fara&#243;n.</div><div class="p"> 29Xitzun tma'n Mois&#233;s te:</div><div class="p">&#8212;Bi'x oc wexe ja'lo tuj tnam lu, cxel nnukpi'ne nk'abe, chin cubsale twitz Kmane, ex cwebel k'ancyok ex sakbakun tu'ntzun tel tnic'a ti'j, te te Kmane aju Kdiose tcyakil twitz tx'otx'. 30Pero ba'n wu'ne, mlay txi cynimane Kmane aju Kdiose, mi aya ex mi keju at cyoclen ttxlaja, chi Mois&#233;s.</div><div class="p"> 31Aju awal lino tuc'ix sebad, bi'x e baj naj tu'n sakbakun, porque matok in japun twitz sebad, ex matok in xmacalin lino. 32Atzun te triw tuc'ix senteno, minti' e naj, porque na'nxtok tul cyk'ij.</div><div class="p"> 33Etztzun Mois&#233;s twitz Fara&#243;n, elpun ti'jxi tnam, e je'x tnukpi'n ke tk'ab ex cubsan twitz Kman. We'tzun k'ancyok ex sakbakun, ex we' tu'n ttzaj jbal. 34Tej tque'yinte Fara&#243;n otok we' jbal tuc'ix sakbakun ex k'ancyok, o binchan il juntl maj ex cub tcyuwsa'ntl tanmi, cyuc'ix keju attok cyoclen ttxlaj. 35O cyuwix tanmi Fara&#243;n, ex minti' e je'tz ttzokpi'n ke aj Israel, ic tza'n otok tma Kman tu'n Mois&#233;s.</div>
 </div>
 </div>
</div>

Mam del Norte © Sociedades Bíblicas Unidas 1993

Tzajtzun tma'n Kman te Moisés:
—Tocxa twitz Faraón ex k'manxa te cyja': Chi Kmane, aju Kdiose ako'ye aj Hebrey: Che ttzokpi'mexa ke xjal etzan wu'ne, tu'n cyc'ulun weye, chi Kman. Katzun mi'n ma che ex ttzokpi'na, ex ka cucx ma che cub ttzyu'na, tzul t-sama'n Kmane jun yabil cyuwxix cyibaj ke taluna ate' tuj cojbil, ke tcheja, ke tburra, ke tcheja camey, ke twacẍa, ke t-ẍne'la ex ke tchipa. Atzun ke cyalun aj Israel che elel tpa'n Kmane cyi'j ke cyalun aj Ejipt, ex mi jun cyalun aj Israel cymel, chicuya te.
Bi'x o tma Kman alcye k'ij tu'n ttzaj c'ixbisabl lu: Nchi'j bant jlu wu'ne tuj tx'otx' Ejipt, chi Kmane, chi Moisés.
Tujtzun juntl k'ij tzaj c'ixbisabl lu tu'n Kman. E baj cyim cycyakil cyalun aj Ejipt; atzun cye aj Israel mi jun cyalun o cyim. Xitzun t-sama'n Faraón jun xjal bilte te, ex mi jun cyalun aj Israel otok cyim. Masque icju, pero cucx cub tcyuwsa'n tanmi, ex minti' e je'tz ttzokpi'n ke aj Israel.

Xi tma'n Kman te Moisés ex te Aarón cyja': Cyjato'n jawe nok jte' yub tza'j ttzi jorni, ex cjawix tchitun Moisés twitz cya'j twitz Faraón. C'oquel tza'j lu te puj tibaj tcyakil tx'otx' Ejipt; ex tu'nju puj lu, tzul jlet tx'a'c cyi'j xjal ex cyi'j alumaj tuj tcyakil tx'otx' Ejipt, chi Kman.
Jawtzun cyjato'n tza'j ttzi jorni, ex e pon twitz Faraón. Jax tchitun Moisés tza'j twitz cya'j, ex jawil jlet tx'a'c cyi'j xjal ex cyi'j alumaj. Atzun cye chman minti' bant cywe' twitz Moisés, tu'n tlaj tx'a'c jaw jlet cyi'j ex cyi'j cycyakil aj Ejipt. Pero cub tcyuwsa'n Kman tanmi Faraón, ex minti' xi tbi'n cyyol Moisés ex Aarón, ic tza'n otok tma Kman te Moisés.

Tzajtzun tma'n Kman te Moisés:
—Primx jaw we'ya nchi'j, we'cuya twitz Faraón ex k'manxa te cyja': Chi Kmane aju Kdiose ako'ye aj Hebrey: Che ttzokpi'mexa ke xjal etzan wu'ne, tu'n cyc'ulun weye, ex katzun mi'n, ctzajel nsama'ne cycyakil nc'ixbisable ti'ja, cyi'j keju at cyoclen ttxlaja ex cyi'j ke t-xjalila, tu'ntzun tel tnic'a ti'j mi a'l juntl ic tza'n kine tuj tcyakil twitz tx'otx'. Nokwit xi nyec'une wipumale tu'n tc'ixbiseta tu'n yabil, owtlo cyima cyuc'ix ke t-xjalila, pero ma cyaj ank'ina wu'ne tu'n tel tnic'a ti'j wipumale, ex tu'n tel tkanil nbiye tuj tcyakil twitz tx'otx'. ¿Maj cucxtzun che bel ttzyu'na ke xjal etzan wu'ne tu'n mi'n cyex ttzokpi'na? Bintza, tlokju nchi'j ctzajel nchitune sakbakun alxix wen, aju bajx tzaj jun maj icju atxix tuj k'ij tcublen xe't tnam lu, ex matzun ja'lo. Samanxtzuna xjal tu'n cytzaj chmet ke taluna ex tcyakilju at teya tuj cojbil. Katzun mi'n ma che baj tchmo'na tu'n cyul tjaya, che cymel tu'n sakbakun cbel tz'ak cyibaj tuj cojbil, ka xjal ex ka alumaj, chi Kmane, chicuya te Faraón.
Akeju xi cyniman tyol Kman cyxol keju attok cyoclen ttxlaj Faraón, ocx cyk'o'n ke cymajen ex ke cyalun cyuj cyja; atzun keju minti' xi cyniman tyol Kman, ax e cyaj cyk'o'n ke cymajen ex ke cyalun tuj cojbil. Tzajtzun tma'n Kman te Moisés cyja':
—Nukpinx tk'aba twitz cya'j tu'ntzun ttzaj sakbakun tibaj tcyakil tx'otx' Ejipt, cyibaj ke xjal ex ke alumaj, ex tibaj tcyakil awal tuj cojbil tuj Ejipt.
Xitzun tnukpi'n Moisés tcy'ako'ch twitz cya'j. Tzaj julin k'ancyok tu'n Kman, ex tzaj sakbakun. Tzaj koptz'aj tkan k'ancyok, ex tzaj chitj sakbakun tu'n Kman tibaj tx'otx' Ejipt. Cu'tz chitj sakbakun twitz cya'j tuc'ix tkan k'ancyok nimxix wen; bajx tzaj jun maj icju atxix tcublen xe't tnam Ejipt. Tcyakilju attok tuj cojbil tuj tx'otx' Ejipt o naj tu'n sakbakun, tza'nx ke xjal ax icx ke alumaj. Ax icx o naj tcyakil awal, ex cycyakil tze' bi'x e baj naj. O'cx tuj tx'otx' Gosén jatum najltok ke aj Israel, minti' cub sakbakun.
Xitzun txocbaj Moisés ex Aarón tu'n Faraón, ex xi tma'n cye cyja':
—Ma chin binchane il ja'lo. Ate Cymane tz'aklxix, atzun weye ex ke nxjalile aj il ko'ye. Che cubsane twitz Cymane tu'n twe' sakbakun ex k'ancyok in julin tu'n. Jacu che ex ntzokpi'ne ke xjal ex mlay che cub ntzyu'ntle, chi Faraón.
Xitzun tma'n Moisés te:
—Bi'x oc wexe ja'lo tuj tnam lu, cxel nnukpi'ne nk'abe, chin cubsale twitz Kmane, ex cwebel k'ancyok ex sakbakun tu'ntzun tel tnic'a ti'j, te te Kmane aju Kdiose tcyakil twitz tx'otx'. Pero ba'n wu'ne, mlay txi cynimane Kmane aju Kdiose, mi aya ex mi keju at cyoclen ttxlaja, chi Moisés.
Aju awal lino tuc'ix sebad, bi'x e baj naj tu'n sakbakun, porque matok in japun twitz sebad, ex matok in xmacalin lino. Atzun te triw tuc'ix senteno, minti' e naj, porque na'nxtok tul cyk'ij.
Etztzun Moisés twitz Faraón, elpun ti'jxi tnam, e je'x tnukpi'n ke tk'ab ex cubsan twitz Kman. We'tzun k'ancyok ex sakbakun, ex we' tu'n ttzaj jbal. Tej tque'yinte Faraón otok we' jbal tuc'ix sakbakun ex k'ancyok, o binchan il juntl maj ex cub tcyuwsa'ntl tanmi, cyuc'ix keju attok cyoclen ttxlaj. O cyuwix tanmi Faraón, ex minti' e je'tz ttzokpi'n ke aj Israel, ic tza'n otok tma Kman tu'n Moisés.

સાંભળો Éxodo 9