Agta New Tetament

<div class="version vid4102 iso6393apf" data-vid="4102" data-iso6393="apf">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="s">Ti Jesus sakay u Samaritana</div><div class="p"> 1Nadid, nabaheta nu Pariseo hide a mas makpal d&#225;n a naakit ti Jesus sakay makpal d&#225;n u nabawtismuwan na nan ti Juan. 2(U tatahoden, bak&#225;n a mismo a ti Jesus u magbawtismo nan u disepulus na hide). Nikuna a matukuyan ni Jesus a nabaheta iye nu Pariseo hide, 3ay limmakad siya ti Judea sakay simmole ti Galilea. 4Tu k&#225;ssole na ti Galilea ay kailangan pa siya a magtaleb ti Samaria.</div><div class="p"> 5Kanya, nadem&#225;t de u essa a banuwan a u ngahan na ay Sikar a sakup ni Samaria, adene tu luta a inyat&#225;d ni Jacob tu anak na a ti Jose. 6Ketan hod u bal-ung a kinaliyan ni Jacob. K&#225;ddem&#225;t di hod ay n&#225;ggetnod ti Jesus tu gibis nu bal-ung, ta napagud siya a naglakad. Halus magtatanghale d&#225;n u aldew.</div><div class="p"> 7Nadid ay tehhod a dimmem&#225;t a b&#225;bbey a Samaritana a angay sumag&#225;b. Kinagi ni Jesus nikuna, &#8220;M&#225;k-enom&#225;k pay.&#8221; 8Ti itod a odas ay awan hod u disepulus hide ni Jesus dipo immangay hide tu banuwan para mamale ti makan de. 9Kinagi nu Samaritana nikuna, &#8220;Judio ka sakay Samaritana&#225;k, bakin a m&#225;k-enom ka nik&#225;n?&#8221; Kinagi na iye dipo umad a m&#225;kp&#225;ggagum u Judio hide tu Samaritano hide. 10Kinagi ni Jesus nikuna, &#8220;Ni tukoy mo la ni &#225;nya u inyat&#225;d nu Diyos, sakay ni deya i m&#225;k-enom&#225;y niko ay hiko pa u m&#225;k-enom nikuna t&#225;n painum&#225;n na ka tu dinom a makapangat&#225;d ti biyag.&#8221; 11Kinagi nu b&#225;bbey nikuna, &#8220;Panginoon, madisalad i bal-ung&#225;y sakay awan ka ti pangsalduk. H&#225;dya ka a mangalap ti dinom a makapangat&#225;d ti biyag? 12Mas higit ka beman nan tu ninuno me a ti Jacob a nangkale ti iye a bal-ung? Siya sakay tu anak na hide, pate u hayup na hide ay he a um&#225;inom tu itod.&#8221; 13Timm&#225;bbeg ti Jesus, &#8220;U uminom ti iye a dinom ay mauwaw padi a huway, 14pero u uminom tu dinom a iyat&#225;d ko ay awan d&#225;n mauwa-uwaw. Dipo u dinom a iyat&#225;d ko ay konna tu essa a h&#225;bwayan a awan makakatiyan. Sakay u tolay a tumanggap ti iye ay magkahod ti biyag a awan ti kah&#225;d.&#8221; 15Timm&#225;bbeg u b&#225;bbey, &#8220;At&#225;ddin&#225;k mu pay, Panginoon tu dinom a kinagi mo para awan&#225;k d&#225;n mauwa-uwaw t&#225;n awan&#225;k d&#225;n he angay sumag&#225;b.&#8221;</div><div class="p"> 16Nadid, kinagi ni Jesus nikuna, &#8220;Sole ka d&#225;n sakay kuyug&#225;n mo he u kabanga mo.&#8221; 17Timm&#225;bbeg u b&#225;bbey a Samaritana, &#8220;Awan&#225;k ti kabanga.&#8221; Kinagi nikuna ni Jesus, &#8220;Tama ka ti kinagi muwe a awan ka ti kabanga, 18dipo limma d&#225;n u nagin kabanga mo, sakay u kaguman mo nadid ay awan mo tunay a kabanga. Kanya tatahoden u kinagi mo.&#8221; 19Timm&#225;bbeg u b&#225;bbey, &#8220;Panginoon, naintendiyan kudan a essa ka a prupeta. 20U nuno me hide ay simmamba tu Diyos ti bukidan iye, pero kinagi moy a Judio hide a ti Jerusalem la maare a samba&#225;n u Diyos.&#8221; 21Kinagi ni Jesus nikuna, &#8220;Maniwala ka nik&#225;n, dumem&#225;t d&#225;n u panahun a awan kamon sumamba tu Ama ti bukid&#225;y a iye oni ti Jerusalem. 22Hikam a Samaritano hide ay awan moy tukoy u sambaan moy. Pero tukoy me a Judio hide u samba&#225;n me, dipo g&#225;bwat tu lahe a Judio u kaligtasan. 23Pero, dumem&#225;t d&#225;n u panahun sakay nadid d&#225;n ngane, autunay a pagsamba nu tolay tu Diyos a Ama ay pagsamba agabwat tu malinis a kaisipan sakay ayun tu tatahoden. Dipo konna he a k&#225;ssamba u ehyuk&#225;n nu Ama. 24U Diyos ay Ispirito, kanya u tolay hide ay maare a sumamba nikuna tu pamamagitan la nu pangdipalongo nu Banal a Ispirito sakay tu katutuhanan.&#8221; 25Nadid, kinagi nu b&#225;bbey, &#8220;Tukoy ko a padem&#225;t u Mesias a d&#225;ddulaw&#225;n a Cristo. K&#225;ddem&#225;t na ay siya u m&#225;ngpaliwanag nikame tu atanan a bagay.&#8221; 26Kinagi ni Jesus nikuna, &#8220;Hik&#225;n d&#225;n iye a mismo i kagiy&#225;n muwe.&#8221;</div><div class="p"> 27Nadid, ti odasan itod ay dimmem&#225;t u disepulus hide ni Jesus. Nagtaka hide nikuna a madem&#225;ttan de a m&#225;kp&#225;gguhon siya tu essa a b&#225;bbey. Pero awan hide nagtanung tu b&#225;bbey ni &#225;nya i kailangan naay, sakay awan be hide nagtanung ni Jesus ni bakin a m&#225;kp&#225;gguhon siya tu b&#225;bbey.</div><div class="p"> 28Kanya inwahak nu b&#225;bbey u banga na sakay nagsole tu banuwan sakay kinagi na tu taga-hod hide, 29&#8220;Kamon he! Iling&#225;n moy u tolay a nakatukoy tu atanan a ginimet ko. Makay siya d&#225;n u Cristo a tagapagligtas!&#8221; 30Kanya limmuwas hide tu banuwan, sakay immangay hide tu k&#225;n Jesus. 31Nadid, inakit nu disepulus hide ti Jesus a kuman d&#225;n.</div><div class="p"> 32Pero timm&#225;bbeg ti Jesus, &#8220;Tehhod&#225;k a makan a awan moy tukoy.&#8221;</div><div class="p"> 33Kanya nam&#225;gtanungan u disepulus na hide, &#8220;Tehhod beman nikuna a nangat&#225;d ti makan?&#8221;</div><div class="p"> 34Kinagi ni Jesus nide, &#8220;U kan&#225;n ko ay u k&#225;ssunud tu kaluuban nu n&#225;ngpaangay he nik&#225;n, sakay u p&#225;ngtupad tu pagimet na.</div><div class="p"> 35Awan moy beman kakagiyan, &#8216;&#193;ppat dalla a bulan ay s&#225;kgapas d&#225;n?&#8217; Kagiy&#225;n ko nikam, mak&#225;tt&#225;ng d&#225;n u mula hide maare d&#225;n a aniy&#225;n. 36U tolay a m&#225;ggane ay makatanggap ti bayad. Konna bihod u tolay a magtoldu tu upos ko tu kapareho na a tolay ay makatanggap ti gantimpala a g&#225;bwat tu Diyos. Sakay u magtiwala hide nikan ay at&#225;dden na ti biyag a awan ti kah&#225;d. Hide ay kuman a &#225;aniyan a aniyan nu m&#225;ggane. Kanya magkaguman a masaya u nagmula tu upos nu Diyos sakay u nag-ane tu bunga na. 37Kanya tama la u kakagiyan a, &#8216;Iba u magmula sakay iba be u mag-ane.&#8217; 38Paangay&#225;n takam para aniy&#225;n u bak&#225;n moy a immula. Iba u nagmula sakay hikam u mag-ane tu naghirapan de.&#8221;</div><div class="s">Makpal a Samaritano u Naniwala</div><div class="p"> 39Nadid, makpal a Samaritano u naniwala ni Jesus ti banuwanan itod, dipo tu patunay nu b&#225;bbey, &#8220;Natukuyan ni Jesus u atanan a ginimet ko.&#8221; 40Kanya inpakpagguhon nu Samaritano hide ni Jesus a m&#225;kp&#225;gyan pala siya tu banuwan de. Kanya n&#225;kp&#225;gyan bi hod siya ti duwwa a aldew.</div><div class="p"> 41Sakay mentras a katoy hod ti Jesus ay makpal pa u naniwala nikuna tu pakkasaneg de tu pagtolduna. 42Kinagi nu tolay hide tu b&#225;bbey, &#8220;Maniwala kame d&#225;n nadid, bak&#225;n la tu p&#225;ngpatunay mo, nan dipo hikame d&#225;n a mismo u nakasaneg nikuna. Natukuyan mi nadid a siya u Tagapagligtas nu tolay ti munduway.&#8221;</div><div class="s">Pinagpiyya ni Jesus u Essa a Anak nu Pinuno</div><div class="p"> 43Nadid, k&#225;llipas nu duwwa a aldew a p&#225;gyan hod ni Jesus ay naghektat siya a patamo ti Galilea. 44Ti Jesus d&#225;m be u nagkagi a u essa a prupeta ay awan igagalang tu sadile na a banuwan. 45Nikuna a dimmem&#225;t siya ti Galilea ay masaya siya a tinanggap nu tolay hide, dipo hod hide a mismo ti Jerusalem tu Aldew nu Kasayaan nu P&#225;gtaleb nu Anghel. Sakay netan de u atanan a ginimet ni Jesus ti itod.</div><div class="p"> 46Nadid, nagsole a huway di Jesus tu banuwan nu Cana a sakup ni Galilea. (U naggimitan na tu dinom a nagin alak.) Tu banuwan a Capernaum ay te essa a opisyal, u anak na a l&#225;llake ay te saket. 47Nikuna mabaheta na a nagsole d&#225;n ti Jesus ti Galilea a g&#225;bwat ti Judea ay immangay siya tu k&#225;n Jesus sakay n&#225;kkekagbi a umangay ti Jesus ti Capernaum sakay pagpiyya&#225;n na u anak na a magipepatay d&#225;n. 48Kinagi ni Jesus nikuna, &#8220;Awan kam talaga maniwala, mentaras a awan kam maketa ti makataka-taka a gimet.&#8221; 49Timm&#225;bbeg u opisyal, &#8220;Panginoon, k&#225;dtamon bagu a matay u anak ko.&#8221; 50Kinagi ni Jesus nikuna, &#8220;Maare ka d&#225;n a sumole. Nagpiyya d&#225;n u anak mo.&#8221; Naniwala u opisyal tu kinagi ni Jesus kanya nagsole siya. 51Hod palla siya tu dilan ay tinagbu d&#225;n siya nu utusan na hide, sakay kinagi de nikuna a nagpiyya d&#225;n u anak na. 52Kanya tinanung na ni &#225;nya a ka odas a nagpiyya u anak na. Timm&#225;bbeg u utusan hide, &#8220;Tu apon he tu magala una ti apon ay awan d&#225;n siya ti ladu.&#8221; 53Naalala nu opisyal a ti odasan itod ay kinagi nikuna ni Jesus a nagpiyya d&#225;n u anak na. Kanya siya sakay tu buu na a pamilya ay naniwala ni Jesus.</div><div class="p"> 54Iye u kaduwwa a makataka-taka a ginimet ni Jesus ti Galilea tu k&#225;gg&#225;bwat na ti Judea.</div>
 </div>
 </div>
</div>

Pahanan Agta New Testament © Philippine Bible Society and Wycliffe Bible Translators, Inc., 2017.

Nadid, nabaheta nu Pariseo hide a mas makpal dán a naakit ti Jesus sakay makpal dán u nabawtismuwan na nan ti Juan. (U tatahoden, bakán a mismo a ti Jesus u magbawtismo nan u disepulus na hide). Nikuna a matukuyan ni Jesus a nabaheta iye nu Pariseo hide, ay limmakad siya ti Judea sakay simmole ti Galilea. Tu kássole na ti Galilea ay kailangan pa siya a magtaleb ti Samaria.
Kanya, nademát de u essa a banuwan a u ngahan na ay Sikar a sakup ni Samaria, adene tu luta a inyatád ni Jacob tu anak na a ti Jose. Ketan hod u bal-ung a kinaliyan ni Jacob. Káddemát di hod ay nággetnod ti Jesus tu gibis nu bal-ung, ta napagud siya a naglakad. Halus magtatanghale dán u aldew.
Nadid ay tehhod a dimmemát a bábbey a Samaritana a angay sumagáb. Kinagi ni Jesus nikuna, “Mák-enomák pay.” Ti itod a odas ay awan hod u disepulus hide ni Jesus dipo immangay hide tu banuwan para mamale ti makan de. Kinagi nu Samaritana nikuna, “Judio ka sakay Samaritanaák, bakin a mák-enom ka nikán?” Kinagi na iye dipo umad a mákpággagum u Judio hide tu Samaritano hide. Kinagi ni Jesus nikuna, “Ni tukoy mo la ni ánya u inyatád nu Diyos, sakay ni deya i mák-enomáy niko ay hiko pa u mák-enom nikuna tán painumán na ka tu dinom a makapangatád ti biyag.” Kinagi nu bábbey nikuna, “Panginoon, madisalad i bal-ungáy sakay awan ka ti pangsalduk. Hádya ka a mangalap ti dinom a makapangatád ti biyag? Mas higit ka beman nan tu ninuno me a ti Jacob a nangkale ti iye a bal-ung? Siya sakay tu anak na hide, pate u hayup na hide ay he a umáinom tu itod.” Timmábbeg ti Jesus, “U uminom ti iye a dinom ay mauwaw padi a huway, pero u uminom tu dinom a iyatád ko ay awan dán mauwa-uwaw. Dipo u dinom a iyatád ko ay konna tu essa a hábwayan a awan makakatiyan. Sakay u tolay a tumanggap ti iye ay magkahod ti biyag a awan ti kahád.” Timmábbeg u bábbey, “Atáddinák mu pay, Panginoon tu dinom a kinagi mo para awanák dán mauwa-uwaw tán awanák dán he angay sumagáb.”
Nadid, kinagi ni Jesus nikuna, “Sole ka dán sakay kuyugán mo he u kabanga mo.” Timmábbeg u bábbey a Samaritana, “Awanák ti kabanga.” Kinagi nikuna ni Jesus, “Tama ka ti kinagi muwe a awan ka ti kabanga, dipo limma dán u nagin kabanga mo, sakay u kaguman mo nadid ay awan mo tunay a kabanga. Kanya tatahoden u kinagi mo.” Timmábbeg u bábbey, “Panginoon, naintendiyan kudan a essa ka a prupeta. U nuno me hide ay simmamba tu Diyos ti bukidan iye, pero kinagi moy a Judio hide a ti Jerusalem la maare a sambaán u Diyos.” Kinagi ni Jesus nikuna, “Maniwala ka nikán, dumemát dán u panahun a awan kamon sumamba tu Ama ti bukidáy a iye oni ti Jerusalem. Hikam a Samaritano hide ay awan moy tukoy u sambaan moy. Pero tukoy me a Judio hide u sambaán me, dipo gábwat tu lahe a Judio u kaligtasan. Pero, dumemát dán u panahun sakay nadid dán ngane, autunay a pagsamba nu tolay tu Diyos a Ama ay pagsamba agabwat tu malinis a kaisipan sakay ayun tu tatahoden. Dipo konna he a kássamba u ehyukán nu Ama. U Diyos ay Ispirito, kanya u tolay hide ay maare a sumamba nikuna tu pamamagitan la nu pangdipalongo nu Banal a Ispirito sakay tu katutuhanan.” Nadid, kinagi nu bábbey, “Tukoy ko a pademát u Mesias a dáddulawán a Cristo. Káddemát na ay siya u mángpaliwanag nikame tu atanan a bagay.” Kinagi ni Jesus nikuna, “Hikán dán iye a mismo i kagiyán muwe.”
Nadid, ti odasan itod ay dimmemát u disepulus hide ni Jesus. Nagtaka hide nikuna a mademáttan de a mákpágguhon siya tu essa a bábbey. Pero awan hide nagtanung tu bábbey ni ánya i kailangan naay, sakay awan be hide nagtanung ni Jesus ni bakin a mákpágguhon siya tu bábbey.
Kanya inwahak nu bábbey u banga na sakay nagsole tu banuwan sakay kinagi na tu taga-hod hide, “Kamon he! Ilingán moy u tolay a nakatukoy tu atanan a ginimet ko. Makay siya dán u Cristo a tagapagligtas!” Kanya limmuwas hide tu banuwan, sakay immangay hide tu kán Jesus. Nadid, inakit nu disepulus hide ti Jesus a kuman dán.
Pero timmábbeg ti Jesus, “Tehhodák a makan a awan moy tukoy.”
Kanya namágtanungan u disepulus na hide, “Tehhod beman nikuna a nangatád ti makan?”
Kinagi ni Jesus nide, “U kanán ko ay u kássunud tu kaluuban nu nángpaangay he nikán, sakay u pángtupad tu pagimet na.
Awan moy beman kakagiyan, ‘Áppat dalla a bulan ay sákgapas dán?’ Kagiyán ko nikam, makáttáng dán u mula hide maare dán a aniyán. U tolay a mággane ay makatanggap ti bayad. Konna bihod u tolay a magtoldu tu upos ko tu kapareho na a tolay ay makatanggap ti gantimpala a gábwat tu Diyos. Sakay u magtiwala hide nikan ay atádden na ti biyag a awan ti kahád. Hide ay kuman a áaniyan a aniyan nu mággane. Kanya magkaguman a masaya u nagmula tu upos nu Diyos sakay u nag-ane tu bunga na. Kanya tama la u kakagiyan a, ‘Iba u magmula sakay iba be u mag-ane.’ Paangayán takam para aniyán u bakán moy a immula. Iba u nagmula sakay hikam u mag-ane tu naghirapan de.”

Nadid, makpal a Samaritano u naniwala ni Jesus ti banuwanan itod, dipo tu patunay nu bábbey, “Natukuyan ni Jesus u atanan a ginimet ko.” Kanya inpakpagguhon nu Samaritano hide ni Jesus a mákpágyan pala siya tu banuwan de. Kanya nákpágyan bi hod siya ti duwwa a aldew.
Sakay mentras a katoy hod ti Jesus ay makpal pa u naniwala nikuna tu pakkasaneg de tu pagtolduna. Kinagi nu tolay hide tu bábbey, “Maniwala kame dán nadid, bakán la tu pángpatunay mo, nan dipo hikame dán a mismo u nakasaneg nikuna. Natukuyan mi nadid a siya u Tagapagligtas nu tolay ti munduway.”

Nadid, kállipas nu duwwa a aldew a págyan hod ni Jesus ay naghektat siya a patamo ti Galilea. Ti Jesus dám be u nagkagi a u essa a prupeta ay awan igagalang tu sadile na a banuwan. Nikuna a dimmemát siya ti Galilea ay masaya siya a tinanggap nu tolay hide, dipo hod hide a mismo ti Jerusalem tu Aldew nu Kasayaan nu Págtaleb nu Anghel. Sakay netan de u atanan a ginimet ni Jesus ti itod.
Nadid, nagsole a huway di Jesus tu banuwan nu Cana a sakup ni Galilea. (U naggimitan na tu dinom a nagin alak.) Tu banuwan a Capernaum ay te essa a opisyal, u anak na a lállake ay te saket. Nikuna mabaheta na a nagsole dán ti Jesus ti Galilea a gábwat ti Judea ay immangay siya tu kán Jesus sakay nákkekagbi a umangay ti Jesus ti Capernaum sakay pagpiyyaán na u anak na a magipepatay dán. Kinagi ni Jesus nikuna, “Awan kam talaga maniwala, mentaras a awan kam maketa ti makataka-taka a gimet.” Timmábbeg u opisyal, “Panginoon, kádtamon bagu a matay u anak ko.” Kinagi ni Jesus nikuna, “Maare ka dán a sumole. Nagpiyya dán u anak mo.” Naniwala u opisyal tu kinagi ni Jesus kanya nagsole siya. Hod palla siya tu dilan ay tinagbu dán siya nu utusan na hide, sakay kinagi de nikuna a nagpiyya dán u anak na. Kanya tinanung na ni ánya a ka odas a nagpiyya u anak na. Timmábbeg u utusan hide, “Tu apon he tu magala una ti apon ay awan dán siya ti ladu.” Naalala nu opisyal a ti odasan itod ay kinagi nikuna ni Jesus a nagpiyya dán u anak na. Kanya siya sakay tu buu na a pamilya ay naniwala ni Jesus.
Iye u kaduwwa a makataka-taka a ginimet ni Jesus ti Galilea tu kággábwat na ti Judea.

Listen to Juan 4