Matayo 16
16
Bumena bwaba-Farisi aba-Saduki
(Marko 8:11-21)
1 #
Mk 8:11-21
#
Mt 12:38; Lk 11:16 Lino ba-Farisi aba-Saduki bakeza, bamusunka, bamukumbila kuti abatondezye citondezyo cizwa kujulu. 2#Lk 12:54-56Nkabela wakavuwa, wabaambila kuti, Nikwakaba kumazuba mulaamba kuti, Bulaca kabotu, nkaambo kujulu kulasalala. 3#Mt 11:4Alimwi cifumofumo mulaamba kuti, Sunu bwaca bubi, nkaambo kujulu kulasalala cakusia. Mulizi kupandulula busyu bwakujulu, pele tamukonzyi kupandulula zitondezyo zyaziindi. 4#Mt 12:39; Lk 11:29; Jon 2:1Bantu basunu basizibi abasibwaamu balayandaula citondezyo, pele tabakoopegwa citondezyo pe, kutaamba kuti citondezyo ca-Jona, Lino wakabasia, wakatozya kumbi.
5Lino basikwiiya nibakasika mutala bakalubide kubweza mikamu. 6#Lk 12:1Nkabela Jesu wakabaambila kuti, Amubone! amucenjele kubumena bwabaFarisi aba-Saduki. 7Elyo bakabuzyanya kuti, Nkaambo teetwabweza mikamu. 8#Mt 6:30Lino Jesu naakaziba wakaamba kuti, Ino nkaambonzi mwabuzyanya nubasilusyomo-luniini nkaambo kakutaba amikamu. 9#Mt 14:17-21Ino tamuna kuziba na kwiibalukwa mikamu yosanwe njibakaabilwa bantu bali zyuulu zyosanwe? lino mwakabweza insuwo zyongae? 10#Mt 15:34-38Na mikamu iili musanu aibili njibakaabilwa bantu bali zyuulu zyone? lino mwakabweza insuwo zyongae? 11Ino nkaambonzi tamuna kuziba kuti teensi mikamu njendaamba. Amucenjele bumena bwaba-Farisi aba-Saduki. 12#Joh 6:27Lino bakamvwisya kuti teensi bumena bwamikamu mbwaakabaambila kuti babucenjelele, wakabaambila kuti bacenjele kukwiisya kwaba-Farisi aba-Saduki.
Jesu mbwaakabuzya basikwiiya kuti, Ndimeni?
(Marko 8:27-33; Luka 8:18-22)
13 #
Mk 8:27-30; Lk 9:18-21 Lino Jesu naakasika kucisi caku-Kaisareya wa-Filipi, wakabuzya basikwiiya bakwe kuti, Ino mbobuti mbubaamba bantu kuti Mwana a-Muntu nguni? 14#Mt 14:1-2; 17:10; Mk 6:14-15; Lk 9:7-8Bamwaambila bati, Bamwi balaamba kuti nduwe Johane Mubapatizi, bamwi balaamba kuti nduwe Eliya, abamwi balaamba kuti nduwe Jeremiya naba umwi wabasinsimi. 15Nkabela wabaambila kuti, Pele inywe mulaamba kuti ndimeni? 16#Joh 6:68-69Lino Simoni Petro wakavuwa, wamwaambila wati, Nduwe Kristo, Mwana a-Leza muumi. 17#Gal 1:15,16; Mt 17:4,5Nkabela Jesu wakavuwa, wamwaambila wati, Uli acoolwe, Simoni mwana a-Jona, nkaambo teensi bantu balya maila bakakuyubulwida boobu, ngu-Taata uuli kujulu. 18#Joh 1:42; Ef 2:20Alimwi ndakwaambila kuti nduwe Petro. Atala amwala oyu mpenzooyakila imbungano yabantu bangu, nkabela milyango yabasikufwa tiikoozoomuzunda. 19#Mt 18:18; Joh 20:23Alimwi nzookupa zijaluzyo zya-Bwami bwakujulu, nkabela zyoonse nzyoti kaange ansi ziyooangwa kujulu, azyalo zyoonse nzyoti kaangulule ansi ziyooangululwa kujulu. 20#Mt 17:9Lino wakalailila basikwiiya kuti bataambili muntu naba umwi kuti ngu-Kristo.
21 #
Mk 8:31–9:1; Lk 9:22-27 #
Mt 12:40; Joh 2:19 Kuzwa kuciindi eco nciconya Jesu wakasaanguna kutondezya basikwiiya bakwe kuti uleelede kuya ku-Jerusalemu akuciswa loko kubapati akubapaizi basimutwe akubalembi, akujayigwa, akubuka kubuzuba bwatatu. 22Lino Petro wakamutola kumbali, wasaanguna kumukazya, wati, Leza akufwide luzyalo, mwami. Cintu eci tacizoobi kulinduwe. 23Mpawo Jesu wakafutatuka, waambila Petro wati, Swena oko kusule lyangu, Saatani. Uli cilebyo kulindime, nkaambo kakuti tozi makani aa-Leza, ulizi makani aabantu alike.
Makani aakutobela Jesu
(Marko 8:34–9:1; Luka 9:23-27)
24 #
Mt 10:38; Lk 14:27 Lino Jesu wakaambila basikwiiya bakwe wati, Kuti muntu kayanda kunditobela, aliimye, abweze ciingano cakwe elyo ulanditobela. 25#Mt 10:39; Lk 17:33; Joh 12:25Nkaambo umwi aumwi uuyanda kuliyobweda buumi bwakwe uzoobusweekelwa, pele umwi aumwi uusweekelwa buumi bwakwe nkaambo kandime uzoobujana. 26#Mt 4:8Nkaambo nimpindunzi njajana muntu nikuba kuti wavuba nyika yoonse anukuti wanyanzigwa buumi bwakwe? Na ncinzi ncakonzya kupa muntu kuti anunune buumi bwakwe? 27#Mt 25:31; Rom 2:6; Joh 5:29; Tus 24:12Nkaambo Mwana a-Muntu uzooboola mubulemu bwawisi abaangelo bakwe, elyo uzoobweedezya muntu umwi aumwi mbuli milimo yakwe. 28#Mt 10:23Ncobeni ndamwaambila kuti mpobali bamwi baimvwi awa batakooyoomvwa lufu mane lumwi bakabone Mwana a-Muntu uuboola mu-Bwami bwakwe.
Sélection en cours:
Matayo 16: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.