Johane 7
7
Jesu mbwaakainka ku-Jerusalemu, ambwaakaakwiisya oko
1 #
Mk 9:30; Lk 9:51 Munsi lyaaya Jesu wakali kweendeenda mu-Galilaya, nkaambo takali kuyanda kweenda mu-Judaya, nkaambo ba-Juda bali kukanza kumujaya. 2#Lev 23:34; Dt 16:13Eno ipobwe lyaba-Juda, ilitegwa lyazilao, lyakali afwaafwi. 3#Joh 2:12; Mt 12:46; Inc 1:14Nkaambo kaako banabakwabo bakamwaambila kuti, Zwa kuno, uye ku-Judaya, kuti basikwiiya bako abalo bakabone milimo yako njocita. 4Nkaambo takukwe muntu uuduma uucita zintu mumbali. Wanoocita zintu ezi, liyubulule mucisi. 5#Mt 13:55(Nkaambo abalo banabakwabo tabakali kumusyoma.) 6#Joh 2:4Jesu wakabaambila kuti, Ciindi cangu tacinasika, pele ciindi canu mpocili lyoonse. 7#Joh 15:18Inyika tiikonzya kumusula, pele mebo ilindisulide, nkaambo ndiilingulula kuti milimo yayo mibi. 8Kamuya nywebo kupobwe, mebo nsikooinka eneeno kupobwe eli, nkaambo ciindi cangu tacinazyulila, 9Naakamana kubaambila makani aya, wakacili kukede mu-Galilaya.
10Pele banabakwabo kabainkide kupobwe, nkabela awalo wakainka, kutali kuya kulidunauna pele kuyubaila, 11Nkaambo kaako ba-Juda bakali kumuyandaula kupobwe, bakali kuti, Uli kuli? 12Eno makamu aabantu bakali kukazyanya kapati anguwe. Bamwi bali kuti, Muntu mubotu oyu. Bamwi bati, Pe, tali boobo, pele ueneena buyo bantu. 13#Joh 9:22; 12:42; 19:38Nokuboobo takukwe muntu uwakamwaamba antangalala, nkaambo bakali kuyoowa ba-Juda.
14Pele nokwakaba akati kapobwe, Jesu wakanjila muntempele kuyooiisya. 15#Mt 13:54; Lk 2:47Nkaambo kaako ba-Juda bakaankamana bakati, Ino muntu oyu ulizi buti kubala uwatakaiya? 16#Joh 12:49Jesu wakabavuwa wakati, Kwiisya kwangu takuli kwangu ndemwini, nkukwakwe uwakandituma. 17Kwanooli muntu uuyanda kucita luyando lwakwe, ulaziba kwiisya kuti na kuzwa kuli-Leza na ndilalyaambila buyo ndemwini. 18#Joh 5:41,44Oyo muntu uulyaambila buyo, nguuliyandawida bulemu bwakwe mwini. Pele uuyandaula bulemu bwayooyo uwakamutuma, ngonguwe uusinizizye, tamukwe bubi mulinguwe. 19#Joh 5:16,18,47; Inc 7:53; Rom 2:17-29Sena Musa takamupede mulao, nokuboobo takukwe omwe wanu uucita mulao? Nkaatobonzi ncomuyanda kundijaya? 20#Mk 3:21; Joh 8:48,52; 10:20Makamu akavuwa kuti, Uli adaimona, nguni uuyanda kukujaya? 21#Joh 5:16Jesu wakavuwa wakati, Ndakacita mulimo omwe, eno nyoonse mwakagambwa, 22#Matl 17:10; Lev 12:3Nkakaambo aka ncaakamupeda ciyanza cakupalulwa Musa (nokuboobo tacili ca-Musa, pele ncabamauso), eno kubuzuba bwa-Sabata mulapalula muntu. 23#Joh 5:9Na muntu wapalulwa abuzuba bwa-Sabata kuti mulao wa-Musa utasotokwa, sena mwandikalalila nkaambo ndakaponya muntu abuzuba bwa-Sabata? 24#Joh 8:15Mutabeteki aciimo, pele amubeteke cakululama.
25 #
Joh 7:19
Bamwi baku-Jerusalemu bakati, Sena engwe oyo ngobayanda kujaya? 26Ede ngooyu uambila antangalala, eno takucikwe ncobaamba kulinguwe. Sena bapati balizi ncobeni kuti ngonguwe Kristo? 27#Joh 7:41Nokuboobo swebo tulimuzi oyu muntu nkwazwa, pele Kristo walo asika, takukwe uumuzi nkwazwa. 28Eno Jesu wakoompolola muntempele naakali kwiisya, wakati, Mulindizi ankwenzwa mulikuzi, alimwi nsikalizidide lwangu ndemwini, pele oyo uwakandituma nguusinizizye, ngomutezi, 29#Mt 11:27Ndilimuzi mebo, nkaambo ndazwa kulinguwe, walo ngowakandituma, 30#Joh 8:20; 13:1; Lk 22:53Ncobakali kusoleka kumujata, pele taakwe muntu uwakamujata, nkaambo ciindi cakwe teecalinasika, 31#Joh 8:30; 10:42; 11:45; 12:42Pele banjibanji bankamu bakamusyoma bakati, Kristo asika, sena uzoocita malele manji aainda aya ngacita oyu muntu? 32Ba-Farisi bakamvwa majwi ayo aabankamu ngobakali kwaambaula aanguwe, eno bapaizi bapati abaFarisi bakatuma bamapulisa kuyoomujata. 33#Joh 13:33Jesu wakati, Kwasyaala ciindi ciniini ncencili anywebo, nkabela ndilaya kulooyo uwakandituma. 34#Joh 8:21; 13:36; 17:24Muyoondiyandaula, pele tamukooyoondijana, alimwi nkwembede mebo tamukonzya kukusika, 35Nkaambo kaako ba-Juda bakabuzyanya abeni bakati, Nkukuli oyu muntu nkwati ye oko nkotutakwe kuyoomujana? Sena uya kuli-Bamwaikide abakede akati kaba-Helene, akuyooiisya ba-Helene? 36Ndijwinzi eli ndyaamba kuti, Muyoondiyandaula pele tamukooyoondijana, akwalo kuti, Nkwembede tamukonzya kuza nkoko?
37 #
Lev 23:36; Joh 4:10,14 Eno kubuzuba bwakusyaalila, buzuba obo bupati bwepobwe, Jesu wakaima, wakoompolola kuti, Kwanooli muntu uufwa nyota, aze kulindime anywe. 38#Ezk 47:1,12; Zek 13:1; 14:8; Joel 2:28; 3:18; Is 44:3; 55:1; 58:11Oyo uusyoma ndime mwida lyakwe muyookunka milonga yamaanzi maumi, mbubonya mbwaamba Magwalo. 39#Joh 16:7; 2 Kor 3:17Pele majwi aya ngaali kwaamba nga-Muuya, ngobati tambule abo abakamusyoma, nkaambo Muuya towalinapegwa, nkaambo Jesu takalinanjizigwa mubulemu bwakwe. 40#Joh 6:14; Dt 18:15Bamwi bankamu, nobakamvwa majwi aya bakati, Ncobeni oyu muntu ngomusinsimi oyo. 41#Joh 1:46Bamwi bakati, Oyu ngu-Kristo. Pele bamwi bakati, Ena, sena Kristo inga ulazwa mu-Galilaya? 42#2 Sam 7:12; Mik 5:2; Mt 2:5,6; 22:42; Int 89:3Sena Magwalo taambide kuti Kristo ulazwa kumukowa wa-Davida, ulazwa ku-Betelehemu, kumunzi nkwaakali kukede Davida? 43#Joh 9:16Kwakaba kwaanzaana akati kankamu nkaambo kakwe, 44#Joh 7:30Bamwi bakali kuyanda kumujata, pele takukwe muntu uwakabika maanza alinguwe.
45 #
Joh 7:32
Bamapulisa bakeza kubapaizi bapati akuba-Farisi, bakabaambila kuti, Nkaambonzi ncomwatamuleta? 46#Mt 7:28,29Bamapulisa bakavuwa kuti, Takunabede muntu uuamba bobuya, 47Ba-Farisi bakabavuwa kuti, Anywebo mweeneenwa kale na? 48#Joh 12:42Sena mpali umwi wabapati naba waba-Farisi uwamusyoma? 49Pele nkamu eyi iitezi mulao iloombwezegwa. 50#Joh 3:1-2Nikodemo (oyo uwakazide kulinguwe ciindi, uwali umwi wambabo) wakabaambila kuti, 51#Dt 1:16,17; 19:15Sena mulao wesu ulabeteka muntu, mane tusaangune kumvwa kulinguwe mwini akuziba mbwaakacita? 52#Joh 1:46; 7:41Bakamuvuwa kuti, Sena ayebo uli wakuGalilaya? Kolangaula, ulabona kuti ku-Galilaya takuzwi musinsimi pe.
53Mpoonya umwi umwi wakainka kumunzi wakwe.
Sélection en cours:
Johane 7: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.