Matalikilo 32
IBBAIB63
32
1 # Int 91:11; Heb 1:14 Alakwe Jakobo wakacili kuya butola lweendo lwakwe, nkabela baangelo ba-Leza bakaswanana awe. 2#Jos 5:14; 2 Bam 6:16; Int 103:21; 148:2; Lk 2:13Ababone buyo, Jakobo wakati, Njeeyi impi ya-Leza. Aboobo kuntu oko wakakuulika izina lya-Mahanaimu.
Jakobo mbwaakalibamba kuswanaana a-Esau
3 # Matl 33:14; 36:6-8; Dt 2:5; Jos 24:4 Lino Jakobo wakatuma batumwa kuti bamuzulwide kuyooswanaana a-Esau mukulana wakwe munyika ya-Seiri, cisi ca-Edomu. 4#Tus 15:1Nkabela wakabalailila kuti, Mbuboobu mbumweelede kwaambila Esau simalelaangu. Mbuboobu mbwaamba mulanda wako Jakobo. Ndakakala-kala kuliLabani. Nkondakabede akusikila sunu. 5#Matl 30:43; 33:8Ndijisi iŋombe, imbongolo, imbelele, balanda abalanda basimbi. Lino ndatuma kukulwiida mupati wangu kuti nkafwidwe luzyalo kulinguwe.
6 # Matl 33:1 Elyo batumwa bakaboola kuli-Jakobo, bati, Twakasika kumukulana wako Esau. Lino uleza kuzookuswanaana, uli abantu bali myanda yone. 7#Matl 35:3; Tus 2:11; Ef 5:15Mpawo Jakobo wakayoowa loko akupenga. Nkabela bantu mbaakali abo, ambelele aŋombe ankamele zyoonse, wakababamba mumakoka obile, 8wati, Na Esau wasika kukoka lyomwe akulilwisya ikoka lisyeede liyoofutuka.
9 # Int 50:15; Matl 28:13; 31:3 Lino Jakobo wakati, O Leza wa-Abrahamu taata, Leza wa-Izaka taata, Jehova iwakandaambila kuti, Bweeda kunyika yako akumukowa wako nkabela njookubamba kabotu, 10#2 Sam 9:8; Matl 24:27; Job 8:7#1 Mak 1:35mebo nsielede abuniini milimo yako yaluzyalo ayalusyomo njowandicitila ndemulanda wako. Nkaambo ndazubuka oyu Jordano amufunko wangu buyo, lino sunu ndaba makoka obile. 11#Int 59:1,2; Hos 10:14Wence kondivuna kuzwa kumaanza aamukulana wangu, kuzwa kumaanza aa-Esau, nkaambo ndamuyoowa. Ndayoowa kuti ambweni uleza kutuuma abana abamanyina babo boonse. 12#Matl 22:17; Matl 28:13-15#Kul 17:8; My 24:20; Dt 25:17-19; 1 Sam 15:2,3Pele webo wakaamba kuti, Ncobeni njookubamba kabotu akuvuzya lunyungu lwako lube mbuli musenga wakunkomwe yalwizi uutabaliki nkaambo kakuvula kwawo.
13 # Matl 43:11 Elyo wakoona mpoonya awo masiku ayo, nkabela wakabweza zimwi zyambono nzyaakali azyo zibe cipo cakupa Esau munyina. 14Wakabweza impongo zili myanda yobile abagutu bali makumi obile, imbelele zili myanda yobile abasijembwe bali makumi obile, 15inkamele zinyonsya zili makumi otatwe abana bazyo, impwizi zili makumi one abacende bali ikumi, imbongolo impwizi zili makumi obile ambongolo incende zili ikumi, 16elyo ezi zyoonse wakazibika mumaanza aabalanda bakwe, itanga limwi alimwi alilike, nkabela wakaambila balanda bakwe kuti, Amuzulule kunembo lyangu, alimwi amutalamukane itanga limwi atanganyina. 17Nkabela wakalailila sitanga mutaanzi kuti, Akuswana Esau mukulana wangu, akubuzya kuti, Uli wani? Uya kuli? Azeezi nzojisi nzizyani? 18Uleelede kwaamba kuti, Nzyamulanda wako Jakobo. Ncipo catumwa kuli-Esau simalelaangu. Alakwe mwali musule. 19Awabili awatatu abasimatanga bakali musule, boonse buyo wakabalailila kuti, Mbuboobu mbumweelede kwaambila Esau, mwamujana. 20#Tus 21:14Alimwi kamwaamba kuti, Alakwe Jakobo mulanda wako mwali musule. Nkaambo wakali kuyeeya kuti, Nkamutontozye acipo eci ncendatuma. Musule aceeci tuyoobonana kubusyu. Ambweni ulanditambula. 21Aboobo cipo cakatumwa kunembo, pele walo mwini wakoona masiku ayo mpoonya awo amalabba,
Jakobo mbwaakasinana a-Leza
22 # Dt 3:16 Lino masiku ayo ngaonya wakanyampuka, wabweza banakazi bakwe bobile abalanda bakwe basimbi bobile abana bakwe bali ikumi aumwi, wazubuka kucito ca-Jaboki. 23Wakabatola, wabazubusya kalonga, azyalo zintu zyoonse nzyaakali azyo. 24#Hos 12:3-4Elyo Jakobo wakasyaala alike, nkabela kwakeza muntu kuzoosinana awe masiku oonse mane kubucedo. 25#Mt 26:41; 2 Kor 12:7Nkabela naakabona kuti tamuzundi, wakaampa intelebelo yacibelo cakwe, aboobo intelebelo yacibelo ca-Jakobo yakakwiduka mukusinana kwabo. 26#Lk 24:28; Hos 12:4; 2 Bam 17:34Elyo wakati, Undileke njiinke, nkaambo bwaamba kuca. Pele wakavuwa kuti, Nsikookuleka pe, cita utaangune kundilongezya. 27Wakamubuzya kuti, Nduweni izina lyako? Wakati, Ndime Jakobo. 28#Matl 35:10; Hos 12:3,4; Matl 25:31; 27:33Wakati, Izina lyako talikooyooambwa limbi kuti nduwe Jakobo, pe, izina lyako liyooba Israyeli, nkaambo wazundana a-Leza abantu, alimwi wazunda. 29#Bab 13:17-18Mpawo Jakobo wakamubuzya kuti, Wence undilwiide izina lyako. Wakati, Ino nkaambonzi wabuzya izina lyangu? Elyo wakamulongezya mpoonya awo. 30#Matl 16:13; Kul 24:11; 33:20; Dt 5:24; Bab 6:22; 13:22; Is 6:5Elyo Jakobo wakaulika oko kuntu izina lya-Penueli, nkaambo wakati, Ndabona Leza busyu kubusyu, nekubaboobo buumi bwangu mpobucili. 31Lino izuba lyakapasula naakazubuka ku-Penueli, nkabela wakali kuya busunkuta nkaambo kacibelo cakwe. 32Nciceeco bana ba-Israyeli ncibatalidi mulambi wakasolo uubambene antelebelo yacibelo mane kusikila sunu, nkaambo kakuti wakaampa intelebelo yacibelo ca-Jakobo kumulambi wakasolo.