Matalikilo 3
IBBAIB63
3
Adamu a-Eva mbubakabisya
1 # Mt 10:16; Ciy 12:2,9; 20:2 Lino inzoka kiijisi maanu kwiinda banyama boonse bamusokwe Jehova Leza mbaakalenga. Nkabela yakaambila mwanakazi kuti, Sa ncobeni Leza wakaamba kuti, Tamweelede kulya misamu yoonse yamumuunda? 2Elyo mwanakazi wakaambila inzoka kuti, Micelo yamisamu yamumuunda tulailya, 3#Matl 2:16,17pele micelo yamusamu oyo uuli mukati kamuunda, Leza waamba kuti, Tamweelede kulya njiyo pe, alimwi tamweelede kwiiguma, kuti mutafwi. 4#2 Kor 11:3; 1 Tim 2:14Mpawo inzoka yakaambila mwanakazi kuti, Ne! Tamukonzyi kufwa pe. 5Nkaambo Leza ulizi kuti mubuzuba obo mbubonya mbomuyooulya, meso aanu ayoojuka, lino muyooba mbuli Leza, muyooziba bubotu abubi mbububede. 6#Rom 5:12-19Lino mwanakazi wakabona kuti musamu mubotu kukuulya, alimwi ulabotezya meso, alimwi ulayandika kukupa muntu busongo. Nkabela mpawo wakabweza micelo yawo, walya. Alakwe mulumaakwe, wakamupa, alakwe wakalya. 7Mpoonya awo meso aabo boonse bobile akajaluka, nkabela bakaziba kuti bali azinswe, Lino bakatalika kusuma matu aamukuyu akulicitila zilivumbilizyo.
8 # Job 31:33; 38:1; Int 139:1-12; Jer 23:34; Am 9:3 Lino bakamvwa ijwi lya-Jehova Leza uleendeenda mumuunda izuba nelyakatalika kubomba, nkabela oyo muntu Adamu abanakwe bakayuba akati kamisamu yamumuunda kuti bataboneki kumeso aa-Jehova Leza. 9#Matl 4:9Elyo Jehova Leza wakaita Adamu, wati, Uli kuli? 10#Job 23:15; 1 Joh 3:20Wakavuwa kuti, Ndamvwa ijwi lyako mumuunda, lino ndafwa bweeme nkaambo kakuti ndisicinswe, aboobo ndayuba. 11Wakati, Ino ngwani wakakulwiida kuti uli sicinswe? Sa walya micelo yamusamu oyo ngundakakulailila kuti, Utalyi kulinguwo? 12#Tus 28:13; Jak 1:13Mpawo Adamu wakati, Oyo mwanakazi nguwakandipa kuti tube awe nguwandipa micelo yamusamu, elyo ndalya. 13#2 Kor 11:3; 1 Tim 2:14Lino Jehova Leza wakaambila mwanakazi kuti, Ino ncinzi eci ncowacita? Mwanakazi wakati, Inzoka njiyakandoongelezya, aboobo ndalya. 14#Is 65:25; Mik 7:17Mpawo Jehova Leza wakaambila inzoka kuti, Mbowacita obo, ulitukidwe kwiinda iŋombe zyoonse abanyama boonse bamusokwe. Uyooenda abula bwako, abulongo buyooba zilyo zyako, mazuba oonse aabuponi bwako. 15#My 21:6,7; Rom 16:20; Heb 2:14; 1 Joh 3:8; Ciy 12:17Nkabela njoobusya inkondo akati kanduwe amwanakazi, akati kalunyungu lwako alunyungu lwakwe. Walo uyookuuma amutwe, ayebo uyoomuluma kukasinde. 16#Joh 16:21; 1 Tim 2:15Lino mwanakazi wakamwaambila kuti, Njookuvuzizya macise aako akuminta kwako, uyoozyala bana amacise, alimwi uyoosukama mulumaako, ngonguwe uuti kakweendelezye. 17#Job 5:7; Muk 2:23; Heb 6:8Alakwe Adamu wakamwaambila kuti, Mbowaswiilila ijwi lyamukaako akulya micelo njindakulailila kuti toelede kwiilya, nyika ilitukidwe nkaambo kanduwe, Uyoolya micelo yayo mumacise mazuba oonse aabuponi bwako. 18Iyookuzyalila mamvwa amitubetube. Uyoolya zisyu zyamusokwe. 19#1 Kor 15:21,22Uyoolya insima cakufwa mitukuta mane ukapiluke kunyika, nkaambo mulinjiyo mowakagwisigwa, nkaambo uli bulongo buyo, akooko kubulongo nkoelede kupiluka. 20Lino Adamu wakaulika izina lyamukaakwe kuti ngu-Eva, nkaambo mbebanyina baumi boonse. 21Nkabela Jehova Leza wakacitila Adamu amukaakwe zibaki zyazikanda, wabasamika nzizyo.
22 # Matl 3:5; 2:9; Ciy 22:14 Lino Jehova Leza wakati, Bona! Muntu waba mbubonya mbuli ndiswe. Ulizi bubotu abubi mbuzibede, Lino atucenjele, kuti atatandabiki ijanza lyakwe akucela micelo yamusamu wabuumi, atalyi njiyo, ataponi mane kukabe kutamani. 23Elyo Jehova Leza wakamutanda kuzwa kumuunda wa-Edeni kuti akalime nyika eyo njiyonya njaakagwisigwa mulinjiyo. 24#Matl 2:8; Int 104:4; Heb 1:7; Joh 14:6Wakatanda muntu, alimwi kulubazu lwakujwe lwa-Edeni wakabika baangelo bakerebimu apanga lyamabekabeka ilyakali kuyumbana koonse koonse kusinkila inzila yamusamu wabuumi.