Kulonga 20
IBBAIB63
20
Leza mbwaakapa ba-Israyeli milao iili ikumi
1 # Dt 5:22 Lino Leza wakaamba majwi aya oonse aakuti:
2 # Lev 26:1; Dt 5:6; Int 81:10; Hos 13:4; Kul 13:3 Ndime Jehova Leza wako iwakakugwisya munyika ya-Egepita amuŋanda yabuzike.
3 # Dt 6:14; 2 Bam 17:35; Jer 25:6 Utabi amizimu imbi kunembo lyangu.
4 # Kul 34:17; Lev 19:4; 26:1; Dt 4:15-18; 27:15 Utalicitili cikozyano cibezedwe cacintu cili buti cili kujulu nanka cili ansi ano nanka cili mumaanzi kunsi anyika. 5#Kul 34:6-7; My 14:18; Dt 7:9-10; Jos 23:7; 24:19; 2 Bam 17:35; Is 44:15; Nah 1:2; Is 14:20; Jer 2:9; Ezk 18:19Utazikotamini nekuba kuzimanina milimo, nkaambo ndime Jehova Leza wako, ndi Leza sibuzuba. Ndabweedezya milandu yabamawisi amitwe yabana babo mane kusikila kumuzukulu watatu awane wabaabo bandisulide, 6#Int 89:34; Rom 11:28; Dt 7:9pele ndabafwida luzyalo bantu bali zyuulu akati kabaabo bandiyanda akulondola milazyo yangu.
7 # Lev 19:12; Int 15:4; Mt 5:33; Mik 6:11 Utasampauli izina lya-Jehova Leza wako, nkaambo Jehova ulamupa mulandu oyo uusampaula izina lyakwe.
8 # Kul 16:23-30; 31:12-14; Dt 5:12 Ingasila buzuba bwa-Sabata, ubusalazye. 9#Kul 23:12; 31:15; 34:21; 35:2; Lev 23:3; Lk 13:14Mazuba aali musanu abumwi uleelede kubeleka akumana milimo yako yoonse, 10#Matl 2:2; Neh 13:16pele buzuba bwamusanu aabili mbobuzuba bwa-Sabata bwa-Jehova Leza wako; mulimbubo utabi nocita milimo, noba nduwe, naba mwana wako mulombe, naba mwana wako musimbi, naba mulanda wako mwaalumi, naba mulanda wako mwanakazi, neziba iŋombe zyako, naba mweenzu uukede kulinduwe. 11#Matl 2:1-3; Kul 31:17Nkaambo mumazuba aali musanu abumwi Jehova wakalenga ijulu anyika alwizi azintu zyoonse zili mumo, pele mubuzuba bwamusanu aabili wakalyokezya, Nkaambo kako Jehova wakalongezya buzuba bwa-Sabata, wabusalazya­.
12 # Dt 5:16; 27:16; Jer 35:7,8; Mt 15:4; 19:19; Mk 7:10; 10:19; Lk 18:20; Ef 6:2-3; Lev 19:3 Lemeka uso abanyoko, kuti mazuba aako avule munyika Jehova Leza wako njakupa.
13 # Matl 9:6; Lev 24:17; Mt 5:21; 19:18; Mk 10:19; Lk 18:20; Rom 13:9; Jak 2:11 Utajayi.
14 # Lev 20:10; Mt 5:27; 19:18; Mk 10:19; Lk 18:20; Rom 13:9; Jak 2:11 Utaciti bumambi.
15 # Lev 19:11; 1 Tes 4:6; Mt 19:18; Mk 10:19; Lk 18:20; Rom 13:9 Utabbi.
16 # Kul 23:1; Mt 19:18; Mk 10:19; Lk 18:20 Utalengeleli mweenzinyokwe kaambo,
17 # Rom 7:7; 13:9; Mik 2:2; Ef 5:3; Tus 6:29; Mt 5:28 Uteemuzyi iŋanda yamweenzinyokwe; uteemuzyi mukamweenzinyokwe, naba mulanda wakwe mwaalumi naba mulanda wakwe musimbi, naba musune wakwe niiba imbongolo yakwe, neciba cintu cili buyani ncajisi.
18 # Heb 12:18-19 Lino bantu boonse nebakamvwa mabbalubbalu amalabi ajwi lyamweembo acilundu cisuka busi, bantu bakayoowa, bakankama, baima kulaale. 19#Gal 3:19Nkabela bakaambila Musa kuti, Kotwaambila yebo, tulaswiilila, Pele Leza atatwaambili pe; ambweni tulafwa. 20#Matl 22:1; Tus 3:7Lino Musa wakavwiila bantu kuti, Mutayoowi, nkaambo nkumusunka Leza ncaazida, kuti mumuyoowe, mutaciti zibi.
21Lino bantu kabaimvwi kule, pele Musa wakaswena afwaafwi kumudima usia mbi Leza nkwakabede. 22Nkabela Jehova wakaambila Musa kuti, Mbuboobu mboelede kwaambila bana ba-Israyeli, Mulibwene mbundaamba ula anywebo kuzwa kujulu. 23Mutalibezeli baleza bambi kuti mubeelanisye ambebo, nebaba baleza bansiliva nebaba baleza bangolida. 24#2 Mak 6:6; Matl 12:2Amundiyakile cipaililo cabulongo, mundipailile mpawo zipaizyo azituuzyo zyakutontozya, imbelele aŋombe. Lino kufumbwa kuntu nkunjoosala kuti njibalukwe, njooboola kulindinywe nkukonya oko akumulongezya. 25#Dt 27:5-7; Jos 8:31Na mwandiyakila cipaililo camabwe, mutayasyi mabwe aabezedwe, nkaambo na wanyamuna cibezyo cako alincico, wacisofwaazya. 26Alimwi mutatanti amatantilo kucipaililo cangu, kuti mutabonwi cinswe alincico.