1 Samuele 8
8
Ba-Israyeli mbubakakumbila kupegwa mwami
1 #
Dt 16:18; Bab 10:4; 12:14 Lino Samuele naakacembaala wakabika bana bakwe kuba babetesi baIsrayeli. 2Nkabela izina lyamwana wakwe mutaanzi kali joeli, wabili kali Abiya, nkabela bakali kubeteka ku-Beereseba. 3#Muk 2:19; Jer 22:15; Kul 18:21; Dt 16:19; 1 Tim 3:3; 6:10; Int 15:5Pele bana bakwe teebakali kweenda munzila zyakwe, pe, bakali kuyandaula impindu akutambula makulo akubisizya lubeta
4Lino bapati boonse baba-Israyeli bakabungana, bakasika kwa-Samuele ku-Rama, 5#Dt 17:14; 1 Sam 12:13; Hos 13:10; Inc 13:21bakamwaambila bati, Bona! uwe wacembaala, nkabela bana bako tabeendi munzila zvako. Lino utubikile mwami wakutubeteka mbuli misyobo yoonse. 6#Kul 32:31,32; 1 Sam 15:11; Tus 3:5Pele makani akabija mumeso aa-Samuele nibakaamba kuti, Utupe mwami wakutubeteka, nkabela Samuele wakakomba kuli-Jehova,
7 #
Kul 16:8; Mt 10:24,25; Lk 10:16; Joh 13:16; 1 Sam 10:19 Lino Jehova wakaambila Samuele wati, Swiilila majwi aabantu mbuli makani oonse ngobakwaambila, nkaambo kakuti teensi nduwe ngu basampaula, ndime ngubasampaula kutaba mwami kulimbabo. 8Mbuli milimo yabo yoonse njibacita, kuzwa kubuzuba obo mbundakabalonzya kuzwa kuEgepita kusikila sunu, kukundileka akumanina mizimo imwi milimo, mbubonya obo mbubali mukukucitila ayebo. 9Lino swiilila majwi aabo, pele uleelede kubalaya akubaambila mbuzibede ziimbo zyamwami uuzoobeendelezya.
10Lino Samuele wakabaambila majwi oonse aa-Jehova bantu abo ibakamubuzya makani aamwami. 11#Dt 17:16; 1 Sam 10:25; 14:52; 2 Mak 26:10-15Wakaamba wati, Mbuboobu mbuzibede ziimbo zyamwami uuzoomweendelezya. Bana banu baalumi ulababweza kuti bamubede basiŋola abasimbizi akucijaana kunembo aŋola yakwe. 12Alimwi ulababika kuba basilutwe babantu bali cuulu abasilutwe babantu bali makumi osanwe, abamwi ulababika kuti balime kulima kwakwe akutebula kutebulakwakwe aku cita zintu zyakwe zyakulwisya azintu zyakwe zyanola. 13Abana banu basimbi ulababweza kuti babe basimuunde abasikujikanyama abasikujikansima. 14#1 Bam 21:7Amyuunda yanu amyuunda yanu yamasaansa amyuunda yama-olifa, ulabweza mibotu akati kayo kuti ape bana bakwe. 15Alimwi ulabweza cipanzi eekumi cambuto zyanu acamasaansa aanu kuti ape bazike bakwe abalanda bakwe. 16Abazike banu abasimbi abalombe banu babotu ambongolo zyanu ulababweza kuti bamumanine milimo. 17Azyalo imbelele zyanu ulabweza cipanzi cekumi cazyo, nkabela inywe mulamubeda bazike. 18#Job 27:9; Int 18:41; Tus 1:25; Is 1:15; Mik 3:4; Lk 13:25Lino mubuzuba obo mulakwiila nkaambo kamwami wanu ngumwalisalila, pele Jehova takoozoomuvwiila mubuzuba obo.
19 #
Is 66:4; Jer 44:16 Nekubaboobo bantu bakakaka kuswiilila majwi aa-Samuele, bakaamba kuti, Ne! ncobeni tuleelede kuba amwami, 20kuti aswebo tube mbuli misyobo yoonse, kuti mwami wesu atubeteke akutusololela akutulwida inkondo zyesu. 21Nkabela Samuele wakaswiilila majwi oonse aabantu, elyo wakaaindulula kumatwi aa-Jehova. 22#Hos 13:11Lino Jehova wakaambila Samuele wati, Swiilila majwi aabo, ubabikile mwami. Mpawo Samuele wakaambila bantu ba-Israyeli wati, Mbubo, kamuya umwi umwi kumunzi wakwe.
Sélection en cours:
1 Samuele 8: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.