Salm 15
15
Slí na Beatha Suthaine
1 Salm le Dáiví.
A Thiarna, cé dhéanfaidh cónaí i do bhoth?
Cé lonnóidh ar do shliabh naofa?
2An té a shiúlann gan cháim;
an té a dhéanann fíréantacht
agus a labhraíonn go díreach óna chroí;
3an té nach ndéanann tromaíocht lena theanga;
an té nach ndéanann olc dá chomharsa
is nach dtugann masla don duine thall;
4an té ar beag aige an drochdhuine
agus ar mór aige lucht eagla an Tiarna;
an té nach ngabhann siar ar a bhriathar
bíodh gur mhionnaigh chun a dhochair féin;
5nach gcuireann a chuid airgid ar úsaireacht,
ʼs nach nglacann le breab in aghaidh an neamhchiontaigh.
An té a dhéanfaidh amhlaidh
ní bhainfear dá threoir é go brách.
Sélection en cours:
Salm 15: ABN2012
Surbrillance
Copier
Comparer
Partager
Tu souhaites voir tes moments forts enregistrés sur tous tes appareils? Inscris-toi ou connecte-toi
© An Sagart 2012 Úsáidtear le cead. Used by permission.