ငဝ်ႈ ၵႂၢမ်းၼမ်း
ၵႂၢမ်းၼမ်း
ၸွမ်းၼင်ႇဢၼ်ဝႃႈ၊ “ၵျၢမ်းငဝ်ႈၵမ်ႇၽႃႇ၊” ၼၼ်ႉၸိုင်၊ၽိုၼ်လိၵ်ႈၼႆႉတႅမ်ႈမၢႆဝႆႉလွင်ႈတၢင်းဢၼ်ထႃႇဝရႃႉၽြႃး၊ၽၢၼ်ႇသၢင်းႁဵတ်းပဵၼ်ၸၵျႃႇဝလႃႇ၊ဢိၵ်ႇတင်းၵူၼ်းတင်းလွင်ႈတၢင်းဢၼ်ၵူၼ်းတႄႇၸႃႉႁဵတ်းဢပျတ်ႈလႄႈၶၢမ်ႇဝူၺ်ႇတၼႃႇတင်းၼႄးလၢႆးဢၼ်ၽြႃးပဵၼ်ၸဝ်ႈႁဵတ်းတီႈၵူၼ်းလေႃးၵႃႉၸိူဝ်ႉၼင်ႇႁိုဝ်ၼၼ်ႉဢေႃႈ။ ၵျၢမ်းငဝ်ႈၵမ်ႇၽႃႇၼႆႉၽႄဢွၵ်ႇဝႆႉပဵၼ်သွင်တွၼ်ႈဢေႃႈ။
1 ဢၶၢၼ်းလူင် 1-11 ပဵၼ်လွင်ႈတၢင်းဢၼ်ထႃႇဝရႃႉၽြႃး၊ၽၢၼ်ႇသၢင်းႁဵတ်းပဵၼ်ၸၵျႃႇဝလႃႇဢိၵ်ႇတင်းပိုၼ်းၵူၼ်းလေႃးၵႃႉဢေႃႈ။ တႄႇၸႃႉဢဝ်လွင်ႈဢႃႇတမ်ႇ၊တင်းဢေးဝႃႉ၊လွင်ႈၵႃႇဢိၼႃႉ၊တင်းဢႃႇပေႇလႃႉ၊လွင်ႈၼူဝ်းဢႃႇ၊တင်းလွင်ႈၼမ်ႉထူမ်ႈမိူင်းလေႃးၵႃႉဢိၵ်ႇတင်းလွင်ႈသဝ်လၢင်းၼႂ်းမိူင်းပႃႇပုလုၼ်ႇ၊ၼၼ်ႉဢေႃႈ။
2 ဢၶၢၼ်းလူင် 12-50 ပဵၼ်ပိုၼ်းၸိူဝ်ႉၶိူဝ်းၵူၼ်းမဵဝ်းဢိသရေး၊ဢေႃႈ။ ပေႃႈမွၼ်ႇၶဝ်ၸမ်ႉ၊တႄႇၸႃႉတီႈဢႃႇပြႃႇႁၢမ်ႇ၊ၵေႃႉဢၼ်ယုမ်ႇမၢတ်ႈလႄႈထွမ်ႇၵႂၢမ်းၽြႃးပဵၼ်ၸဝ်ႈၼၼ်ႉဢေႃႈ။ ၸိူဝ်ႉၶိူဝ်းဢၼ်သိုပ်ႇလူင်းမႃးၼၼ်ႉပဵၼ်လုၵ်ႈၸၢႆးမၼ်းဢိၸၢၵ်ႈ၊လၢၼ်ၸၢႆးမၼ်းယႃႇၵုပ်ႈ၊ (ဢၼ်လႆႈၸိုဝ်ႈမႂ်ႇႁွင်ႉဝႃႈ၊ဢိသရေး၊) ယႃႇၵုပ်ႈ၊မီးလုၵ်ႈၸၢႆးသိပ်းသွင်ၵေႃႉ၊ဢၼ်ၽႄဢွၵ်ႇပဵၼ်ၸိူဝ်ႉၶိူဝ်းဢိသရေး၊သိပ်းသွင်ၶိူဝ်းၼၼ်ႉဢေႃႈ။ ၼႂ်းလုၵ်ႈၸၢႆးသိပ်းသွင်ၵေႃႉၸိူဝ်းၼၼ်ႉ ယူဝ်းသႅပ်ႈ၊ပဵၼ်ၵေႃႉဢၼ်ႁူင်ႁၢင်းလိူဝ်ပိူၼ်ႈ၊ၵွပ်ႈပိူဝ်ႈမၼ်းဢွၼ်ဢဝ်ယႃႇၵုပ်ႈ၊တင်းလုၵ်ႈၸၢႆးမၼ်းတင်းလၢႆ၊ပႃးၸဵမ်လုၵ်ႈၶဝ်မေးၶဝ်ၵႂႃႇယူႇတီႈမိူင်းဢေးၵျိပ်ႉ၊ၼၼ်ႉဢေႃႈ။
ဢၼ်ပႃးၼႂ်းၽိုၼ်လိၵ်ႈၼႆႉၸိုင်၊ပဵၼ်လွင်ႈတၢင်းဢၼ်ၽြႃးပဵၼ်ၸဝ်ႈႁဵတ်းသၢင်ႈၼၼ်ႉဢေႃႈ။ တႄႇၸႃႉဢဝ်လွင်ႈတၢင်းဢၼ်ၽြႃးပဵၼ်ၸဝ်ႈၽၢၼ်ႇသၢင်းႁဵတ်းပဵၼ်ၸၵျႃႇဝလႃႇသေယဝ်ႉ၊ၵႂႃႇသုတ်းလူၺ်ႈလွင်ႈၵတိၽြႃးပဵၼ်ၸဝ်ႈဢၼ်တၵ်းတေသိုပ်ႇပႂ်ႉလူလုမ်းလႃးၵူၼ်းမဵဝ်းမၼ်းၸဝ်ႈၼၼ်ႉဢေႃႈ။ ႁူဝ်ႁုပ်ႈမၼ်းၸိုင်၊ပဵၼ်လွင်ႈၽြႃးပဵၼ်ၸဝ်ႈသေယဝ်ႉ၊ၽုၺ်ႇၼႄလွင်ႈဢၼ်မၼ်းၸဝ်ႈၸီႇယၢင်ႇတြႃးလႄႈပၼ်တၢမ်ႇဢပျတ်ႈတီႈၶဝ်ၸိူဝ်းဢၼ်ၽိတ်းပိူင်ႈဢိၵ်ႇတင်းလွင်ႈဢၼ်မၼ်းၸဝ်ႈမႃႉၸႃႉၸွႆႈထႅမ်ၵူၼ်းမဵဝ်းမၼ်းၸဝ်ႈၼၼ်ႉဢေႃႈ။ ၽိုၼ်လိၵ်ႈၼႆႉမၢတ်ႈမၢႆဝႆႉလွင်ႈတၢင်းယုမ်ႇမၢတ်ႈၵူၼ်းလေႃးၵီႇဢိၵ်ႇတင်းလွင်ႈတၢင်းဢၼ်ၸွႆႈထႅမ်ႁႂ်ႈတၢင်းယုမ်ႇမၢတ်ႈမၼ်ႈၶိူင်ႇၼၼ်ႉဢေႃႈ။
ႁူဝ်ၶေႃႈဢၼ်ၶဝ်ႈပႃးၸမ်ႉ
လွင်ႈၽၢၼ်ႇသၢင်းၸၵျႃႇဝလႃႇဢိၵ်ႇတင်းၵူၼ်း 1:1-2:25
လွင်ႈၵူၼ်းႁဵတ်းဢပျတ်ႈလႄႈလႆႈၶၢမ်ႇတၢမ်ႇ 3:1-24
လွင်ႈဢႃႇတမ်ႇ၊တေႃႇထိုင်ၼူဝ်းဢႃႇ၊4:1-5:32
ၼူဝ်းဢႃႇ၊တင်းလွင်ႈၼမ်ႉထူမ်ႈလိၼ်မိူင်း 6:1-10:32
လွင်ႈသဝ်လၢင်းၼႂ်းမိူင်းပႃႇပုလုၼ်ႇ၊11:1-9
လွင်ႈသေႇမႃႉ၊တေႃႇထိုင်ဢႃႇပြမ်ႇ၊11:10-32
ဢႃႇပြႃႇႁၢမ်ႇ၊ဢိၸၢၵ်ႈ၊ယႃႇၵုပ်ႈ၊ 12:1-35:29
ၸိူဝ်ႉၶိူဝ်းဢေးသေႃး၊36:1-43
ယူဝ်းသႅပ်ႈ၊လႄႈပီႈဢၢႆႈမၼ်းတင်းလၢႆ 37:1-45:28
လွင်ႈၵူၼ်းမဵဝ်းဢိသရေး၊ၼႂ်းမိူင်းဢေးၵျိပ်ႉ၊46:1-50:26
Sélection en cours:
ငဝ်ႈ ၵႂၢမ်းၼမ်း: SHNCL
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi