Versets bibliques populaires de Matäus 24

Partager

A limpok en me toto pan laula, aki sapung, me pan pwaida kaualap. A me pan dadaurata lel imwi, i pan dorela.

A rongamau en wei o pan kalok sili nan sappa karos, pwen kadede ong wei karos, iei ansau, me imwi korendo.

Komail pan rongada duen mauin o kasokasoi pan mauin; Komail kalake, der masak; pwe mepukat pan wiaui mas, a imwi saikenta mia.

Pwe eu sap pan u ong eu, o eu wei ong eu; o ansaun lek, o kilitop, o rerer en sap akai pan wiaui. Mepukat karos tapin kalokolok.

Lang o sappa pan poula, a ai padak sota pan poula.

Pwe me toto pan kodo ni ad ai katiti: Ngai me Kristus o kotaue me toto.

Irail ap pan pang komail lang kamakam o kame komail la; o komail pan tantat pan kainok karos pweki ad ai. Me toto ap pan makarada, o amen pan pangala amen, o re pan tataki nan pung arail. O saukop likam toto pan pwarada o kotaue me toto.

Iesus ari kotin sapeng masani ong irail: Kalaka, pwe sota amen en kotaue komail.

Komail ari pil masamasan, pwe Nain aramas pan kodo ni auer, me komail sota lamelame.

Komail ari masamasan, pwe komail sasa auer, me omail Kaun pan pwarado.

A duen ran o auer sota amen, me asa, pil tounlang kan sasa. Sam ai ta me mangi.

Pwe Kristus likam kai o saukop likam kai pan pwarada, o kapwareda kilel o manaman akan, pwen pil kotaueda me piladar akan, ma re kak ong.

A duen ni muein Noa iduen en Nain aramas a pan pwarado. Pwe duen ni ran akan mon nolik lapalap re manga o nim, re papaud o kapapaud, lao lel ran en Noa a pedelong ong nan warim o. O re sota dedeki lao lel nolik pwaida o kamop ir ala karos, iduen en Nain aramas a pan pwarado.