Versets bibliques populaires de Tiiti 1

Partager

Maǹ pii mà ǹsɛn tá Lawa doɛ̃, sɛnɛ, ǹ sii-zɛnaan man piã ka Lawa nɛ ǹ siin lɛa. Ǹ tìĩ n boe ne, maǹ piã-wɔlen lɛa, ǹ ba boe la ǹ tá sii sonbore kɔ́n zɛnɛɛ wa.

Min mɛnɛn bɛ́ *yoreen ne, màn tumaa n yoreen bɛn gɔn. Sɛnɛ, min mɛnɛn bɛ́ gɔgɔrɛ, ǹ nə́ ǹ ba lɛ koe goleemali dɔ ganaa wa, màn kɔ́n ba yoreen bɛn gɔn wa. A giala, mà gɔgɔrɛbaa nə́ ǹ yiri tã, á ǹ taasiɛ dɔ si.

Boo taãn mɛn bɛ́ kɔnpii ka wɔa daraa ǹ yiri kɛ nɛ, a doamaa nɛ a n paraa bɛ ganaa taãn-taãnɛ. Bɛa yɔrɔ kɛ la, á re boe la, a min kɔsɔn foo taã ka minin daraa ǹ yiri taãn kɛ nɛ, min mɛnɛn bɛ́ a liere koe, a bɛn sã nyaa ǹ nɛ.

Lawa a sɔmɔ nyɛɛnaan-bɔle doamaa nɛ, a ga Lawa a sɔmɔ mànan walan. Bɛ lɛ n toɛ, a doamaa bie lɛ pɔrɔ ǹ bǎã kɔ́n yɛ a wɔ paǹ li wa. A nyan din gole-kɔle baa wa, a nyan foo yoo fufuu wole baa wa, a nyan yɔ-mili baraa baa wa, a nyan zia-dali baa wa, a nyan ga là babaraa li wole baa wa. Yǎa ǹ dɛnaa goɛ̃ tiin kũ doɛ̃ wole lɛa, á n sii sonbore narɛ. Yǎa á goɛ̃ mìiwedɛnaa lɛa, min pepere lɛa, Lawa wɔ lɛa, a boo la a n din kũ doɛ̃.

Ga Lawa a sɔmɔ walan wole doamaa nɛ, a goã lɛ pɔrɔ ǹ bǎã ná a ba a ganaa wa. A goã lɔ goon toto zuũ lɛa, a nɛnyaanan doamaa nɛ, ǹ goã golee sii li wolen lɛa, ǹ tɔ baran goã ziziɛ̃-n wa, ǹ lɛ-silin baa.