Versets bibliques populaires de Ayṯ-Ruma 8

Partager

Fa neccin nessen belli marra min itewqiƹen qaƹ itarra-ṯ Arebbi ḏ ttisir i yinni iy ṯ itexsen, iƹni ḏ yinni umi iy d iȓaɣa ƹlaḥsab lɣaraḍ nnes.

Aqa nec metʼakked belli uȓa ḏ ijjen n ṯmesȓayṯ zi min d itwaxeȓqen war ṯzemmar aḏaneɣ ṯeƹzeȓ zi ȓemḥibbeṯ n Arebbi iy d imeḍharen ḏi Siḏiṯneɣ Ƹisa Lmasiḥ: ȓa ḏ ȓmewṯ, ȓa ḏ ṯuḏarṯ, ȓa ḏ lmalaʼikaṯ, ȓa ḏ ccayaṭin, ȓa ḏ jnun, ȓa ḏ min iǧan ȓexxu, ȓa ḏ min d ɣa yasen, ȓa ḏ min yuƹȓan, ȓa ḏ min yuǧɣen, uȓa ḏ ca n ȓḥajeṯ nneɣni.

Fa ammu Arruḥ iqeddsen itƹawan-aneɣ ḏi ḍḍuƹef nneɣ. Neccin war nessin ca mliḥ minxef ɣa neẓẓaǧ, walakin Arruḥ iqeddsen s yixef nnes itṭalab-as i Arebbi x ssabab nneɣ s unhak war itsemiƹen.

Iwa, min ɣa nini menbaƹd i marra manaya? Meȓa Arebbi aqaṯ akiḏneɣ, uw izemmaren aḏ yiȓi ḍed nneɣ?

Iḏen fa ȓexxu, war iǧi bu lḥisab ḏ lƹiqab x yinni iǧan ḏ ijjen ak Ƹisa Lmasiḥ.

Aqa yinni ixeddmen s ȓxaḍar nsen ḏi ṯmesȓayin n ṭṭabiƹa ṯaƹeffant nsen ataf aḏ mmṯen. Walakin yinni ixeddmen s ȓxaḍar nsen ḏi ṯmesȓayin n Arruḥ ataf aḏ ddaren aɣarsen yiȓi ȓehna.

Walakin ḏi marra manaya neccin netwaḥsab ktar zi lʼabṭal x ufus n wenni iy ḏaneɣ ixsen.

Cuf, nec twaȓiɣ aƹeddeb-a iy xaneɣ itekken ḏi ddunect-a netta war iǧi ḏ walu bac aḏ imeṯṯel ak lƹaḍama iy ḏaneɣ d ɣa imeḍharen.

Wi ḏaneɣ ɣa iƹezȓen zi ȓemḥibbeṯ n Lmasiḥ? Uȓa ḏ ijjen! Ȓa ḏ azeyyar, ȓa ḏ tamara, ȓa ḏ aƹeddeb, ȓa ḏ buheyyuf, ȓa ḏ ṯuƹaryant, ȓa ḏ lxaṭar, uȓa ḏ ssif.

Ṯumma Arebbi netta itwaȓan min iǧan ḏeg wuȓawen n bnaḏem, issen min itexs Arruḥ iqeddsen. Liʼanna Arruḥ ƹlaḥsab ȓxaḍar n Arebbi itṭalab x ȓmuminin ṣṣaliḥin.

U yinni iḏeffaren Arruḥ n Arebbi, ḏ yinni iy iǧan ḏ ṯarwa n Arebbi.

Cuf, yinni itƹicen ƹlaḥsab ṭṭabiƹa ṯaƹeffant nsen xeddmen s ȓxaḍar nsen ḏi ṯmesȓayin n ṭṭabiƹa ṯaƹeffant nsen. Walakin yinni itƹicen ƹlaḥsab abriḏ n Arruḥ xeddmen s ȓxaḍar nsen ḏi ṯmesȓayin n Arruḥ.

Siḏi Arebbi war isƹizz ca Mmis xaneɣ, iqeddem-iṯ i ȓmewṯ xaneɣ marra. Ma aḏ teqqim can ȓḥajeṯ war ḏaneɣ-t iticc ca akiḏes?

Iƹni Arruḥ n Arebbi s yixef nnes ig iṣaḥḥen ḏi arruḥ nneɣ belli neccin ḏ ṯarwa n Arebbi. U neccin meȓa aqaneɣ ḏ ṯarwa n Arebbi, ataf a nwareṯ. Iƹni a nwareṯ zi Arebbi, a nwareṯ ak Lmasiḥ. Walakin ixeṣṣa-yaneɣ a ncarec akiḏes ḏeg uƹeddeb nnes ḥima a ncarec akiḏes ƹaweḏ ḏi lƹaḍama nnes.

Aqa ȓxaḍar ixeddmen ḏi ṯmesȓayin n ṭṭabiƹa ṯaƹeffant n bnaḏem itƹarraḍ Arebbi. War iṭṭiƹi ca i ccariƹa n Arebbi, u ḏ ṣṣaḥ war izemmar ca.

Aqa marra min d itwaxeȓqen ḏaysen mezȓi ḏ ameqqran trajan aḏ ẓren ṯsaƹƹat nni iy ḏi d ɣa banen ṯarwa n Arebbi.

Cuf, neccin nessen belli marra min d itwaxeȓqen aqaṯen aȓ nhara ƹaḏ tnezbaren amecnaw ṯamɣarṯ nni iy ḏi iǧa ȓeḥriq n ṯarwa.