Mateo 1
PLGNT
1
Jeso'me huá'au let'alpi so' Jesucristo
(Lucas 3.23-38)
1Jánjo' na'chána jan' nedáxalate jeso'me huá'au let'alpi so' Jesucristo, jeso'me chiỹoxoguet jocalia'cho' so' net'a David qataxa so' Abraham.
2So' Abraham na'chiso so' let'a so' Isaac, qataxa so' Isaac lec'óxot so' Jacob, qataxa so' Jacob mai'chi lec'óxot so' Judá qataxa jeso'me laqáỹadipi. 3So' Judá qana'chi lec'óxot so' Fares qataxa so' Zara. Jaso'me lat'e jesaa'me lenaxat Tamar. Qataxa so' Fares mai'chi lec'óxot so' Esrom, jeso'me let'a so' Aram. 4Qataxa so' Aram mai'chi lec'óxot so' Aminadab. Qataxa so' Aminadab mai'chi lec'óxot so' Naasón, jeso'me let'a so' Salmón. 5Qataxa so' Salmón qataxa jaso' Rahab mai'chi lec'óxo't so' Booz. Qataxa so' Booz qataxa jaso' Rut mai'chi lec'óxo't so' Obed, jeso'me let'a so' Isaí. 6Qataxa so' Isaí mai'chi lec'óxot so' net'a David. Qataxa so' David joca'li 'uoneguet jaso' loua joca'li so' Urías, qana'chi jesaa'me lec'óxo't so' Salomón.
7Qataxa so' Salomón mai'chi lec'óxot so' Roboam, jeso'me let'a so' Abías. Qataxa so' Abías mai'chi lec'óxot so' Asa. 8Qataxa so' Asa mai'chi lec'óxot so' Josafat, jeso'me let'a so' Joram. Qataxa so' Joram mai'chi lec'óxot so' Uzías. 9Qataxa so' Uzías mai'chi lec'óxot so' Jotam. Qataxa so' Jotam mai'chi lec'óxot so' Acaz, jeso'me let'a so' Ezequías. 10Qataxa so' Ezequías mai'chi lec'óxot so' Manasés, qataxa so' Manasés mai'chi lec'óxot so' Amón, jeso'me let'a so' Josías. 11Qataxa so' Josías mai'chi lec'óxot so' Jeconías qataxa saua' laqáỹa' joca'li noxonec na' lec'oqtepi so' Israel, qana'chi necointáisecpi, qoỹaueegue da' Babilonia.
12Joca'li ỹim dójo', qana'chi so' Jeconías mai'chi lec'óxot so' Salatiel, jeso'me let'a so' Zorobabel. 13Qataxa so' Zorobabel mai'chi lec'óxot so' Abiud. Qataxa so' Abiud mai'chi lec'óxot so' Eliaquim, jeso'me let'a so' Azor. 14Qataxa so' Azor mai'chi lec'óxot so' Sadoc. Qataxa so' Sadoc mai'chi lec'óxot so' Aquim, jeso'me let'a so' Eliud. 15Qataxa so' Eliud mai'chi lec'óxot so' Eleazar. Qataxa so' Eleazar mai'chi lec'óxot so' Matán, jeso'me let'a so' Jacob. 16Qataxa so' Jacob mai'chi lec'óxot so' José, jeso'me loua jaso' María 'me lat'e so' Jesús, jeso'me lenaxat net'a nec'alaxaqui.
17Qana'chi da' ỹima'a't so' net'alpi, ỹóvi' catorce chiỹoqóchii'ña so' Abraham, cha ỹivíde'ta so' David. Qataxa ỹóvi' catorce so' laỹi net'alpi chiỹoqóchii'ña so' David, cha ỹivíd'a so' nolo' joca'li qoỹaueegue da' Babilonia so' lec'oqtepi so' Israel. Qataxa ỹóvi' catorce so' laỹipi net'alpi, cha ỹivíd'a so' nolo' joca'li niỹíñi so' net'a nec'alaxaqui.
Da' lañoxoc so' Jesucristo
(Lucas 2.1-7)
18Da' 'éeta da' lañoxoc so' Jesucristo 'eet'oi: Jaso' lat'e María joca'li ma'le detaxaỹapégue' so' José da' sétaaque loua. Qaláxasa joca'li maliaxa sa 'uona't, qana'chi jaso'me ma'le qo'uaxai, chiỹoqóchiỹi da' l'añaxac so' Espíritu Santo. 19Qana'chi so' José 'me sétaaque loua, jeso'me ỹátaqta 'ónaxaic da' lasoxoc, qana'chi sa ỹiỹamaxaden da' ỹ'axáteegue so' huáỹi jaso' María. Na'chidáta da' sétaaque da' sa ỹaỹátenaxanaxan na' siỹaxadipi da' ỹiguem jaso'me. 20Joca'li maliaxa tátapiỹi lauel dójo', qana'chi janac so' lamaxasec piỹem lé'ec ñi' qadesaliaxanec Dios, huápiỹi qa'en so' l'ochaxa da' naloxóna jeso'me. Qana'chi 'enapego', 'enaaco':
—'Am José 'me 'auachiỹoxoguet so' net'a David, sa 'te qomle da' 'adó'i da' 'apaca'aguet jañi' María da' 'auen 'adoua. Qá'a jeda'me lec'óxot 'me huétaỹi, jeda'me chiỹoqo'ot so' Espíritu Santo. 21Jañi'me 'uo qomle ga' lec'óxot, qana'chi 'auanec da' lenaxat Jesús. Jega'me lenaxat dójo', qá'a nec'alaxatéegue qomle jen' lalémaxasetpi, chiỹoxotaavlo naua' loico.
22Ỹima dójo' huáỹi jaso'me di'ỹoq, qaidi ỹipaquíchiỹi jeda'me 'enaac joca'li ñi' qadasoxola' Dios, 'me ỹ'axato' so' l'aqtáxanaxanec da' 'enaaco':
23Jaga' ỹauo maliaxa sa huó'on, qaláxasa qo'uaxai qomle, qana'chi 'uo ga' lec'óxot.
Jega'me lenaxat qomle da' Emanuel.
Dójo' nenaxat 'eet'oi: Ñi' Dios qo'mi huetaavlo.
24So' José joca'li ma'le nelóiỹi, qana'chi ỹí'et da'me l'aqtac so'me lamaxasec ñi' qadasoxola' Dios da' ỹipaca'aguet jaso' María da' 'en loua. 25Qaláxasa maliaxa sa leuaua. Na'chidáta da' cha'li ỹiuatá'a jaso'me da' niỹíñi so' lec'óxot. Qana'chi ỹanaỹi da' lenaxat Jesús.