Suosittuja jakeita Raamatun kirjasta Taga-Roma 8

Jaa

Ammotayo a kadagiti amin a banag, agtartrabaho ti Dios para iti pagimbagan a kaduana dagiti agayat kenkuana, isuda nga inayabanna kas mayannurot iti panggepna.

Awan duaduak nga awan ti makaisina kadatayo iti ayatna: ti patay man wenno ti biag, dagiti angheles man wenno dagiti sabali a nailangitan nga agturay wenno pannakabalin, ti agdama man wenno ti masakbayan, ti kangatoan a law-ang man wenno ti kaunggan ti daga. Awan a pulos iti sangaparsuaan ti makaisina kadatayo iti ayat ti Dios a kukuatayo gapu ken ni Cristo Jesus nga Apotayo!

Kasta met nga iti kinakapuytayo, umaynatayo tulongan ti Espiritu. Ta ditay ammo ti umno a panagkararag. Ti Espiritu a mismo ti mangidawdawat kadatayo iti Dios kadagiti asug a di kabaelan nga ibalikas.

Kas maibatay kadagitoy, mabalin a kunatayo a no kaduatayo ti Dios, awan ti makabael a bumusor kadatayo!

Ngarud, saan a masentensiaan a madusa dagiti agbibiag ken ni Cristo Jesus.

No paiturayantayo iti tarigagay ti lasag, agtungpaltayo iti patay. No paiturayantayo iti Espiritu, agtungpaltayo iti biag ken talna.

Iti baet dagitoy, awan duadua a naan-anay nga agballigitayo babaen kenkuana a nagayat kadatayo!

Awan duaduak a ti sagsagabaentayo iti daytoy agdama a biag ket saan a maipada iti dayag a maiparangarangto kadatayo.

Siasino ngarud ti makabalin a mangisina kadatayo iti ayat ni Cristo? Ti riribuk? Ti rigat? Ti pannakaidadanes? Ti bisin? Ti kinapanglaw? Ti peggad wenno ti patay?

Makita ti Dios ti naguneg ti puso ti tao, ket ammona ti pampanunoten ti Espiritu, agsipud ta idawdawatan ti Espiritu dagiti tattao ti Dios kas pagayatan ti Dios.

Annak ti Dios dagiti idalan ti Espiritu ti Dios.

Dagiti agbibiag kas mayannurot iti lasag, paiturayan ti panunotda iti kayat ti lasag. Dagiti agbibiag kas mayannurot iti Espiritu, paiturayan ti panunotda iti kayat ti Espiritu.

Dina impaidam ti mismo nga Anakna, no di ket indatonna nga agpaay kadatayo amin! No impaayna ti Anakna kadatayo, dinto kadi sisasagana a mangted met kadatayo iti isuamin?

Makidanggay ti Espiritu ti Dios kadagiti espiritutayo a mangipakaammo nga annaknatayo ti Dios. Agsipud ta annaknatayo, tagikuaentayto dagiti iduldulinna a bendision nga agpaay kadagiti tattaona. Makipagtagikuatayto met ken ni Cristo kadagiti indulin ti Dios nga agpaay kenkuana. Ta no mairanudtayo iti panagsagaba ni Cristo, mairanudtayto met iti dayagna.

Iti kasta, no paiturayan ti tao iti kababalin ti kinatao, agbalin a kabusor ti Dios, ta saanna a tungpalen ti linteg ti Dios. Kinapudnona, saanna a matungpal daytoy a linteg.

Sigagagar ti sangaparsuaan nga agur-uray iti Dios a mangiparangarang kadagiti annakna.

Ta ammotayo nga agpapan ita, kas iti agpasikal, agas-asug iti rigat ti entero a sangaparsuaan.