Suosittuja jakeita Raamatun kirjasta Génesis 41

Jaa

Tsënö niptinnam José nirqan: <<Noqaqa manam kikïllapitatsu nunapa suëñunkuna imapaq kanqantapis musyä, sinöqa Teyta Diosmi käyitsiman. Pë käyitsimaptinran suëñunqëki imapaq kanqantapis willashqëki>>.

Tsëmi Faraón nirqan: <<¿Tarishwantsuraq kë jövintanö Teyta Dios yanapaptin alli yarpëyuq nunata?>>

Tsënö nirmi Joséta nirqan: <<Teyta Diosmi käyitsishurqunki suëñunqäkuna imapaq kanqantapis. Manam pipis kantsu qampita mas käyikuq y yachaq nunaqa. Tsëmi kananpita witsëqa qampa makikichö palaciüpis kanqa. Kë nacionchö llapan nunakunam qam mandanqëkita rurayanqa. Noqallam rey kar qampita mas poderyuq kashaq.

Qepa kaq tsurin yurikuptinnam José nirqan: <<Alläpa jipanqä nacionchö këkaptïpis Teyta Diosmi alli rikämashqa tsurïkuna kayänanpaq>>. Tsëmi shutin churarqan Efraín nir.

Wamaqshu tsurin yurikuptinmi José nirqan: <<Castäkunata y jipanqäkunata mana yarpänäpaqmi Teyta Dios yanapamashqa>>. Tsëmi shutin churarqan Manasés nir.