Suosittuja jakeita Raamatun kirjasta MATEWU 5

Jaa

Rivoningo, na rona, a ri lumekiwi ku nghenisiwa ehansi ka xirhundzu, kambe ri tlhomiwa ehenhla, ri voninga hinkwavo lava nga endlwini. Ku vonakala ka n'wina a ku voningise vanhu sweswo, va ta vona mitirho ya n'wina leyo saseka, va dzunisa Tata wa n'wina la nga etilweni.

“Mi ku vonakala ka misava; muti lowu nga ehenhla ka ntshava a wu tumberi.

Ku katekile lava nga ni timbilu leti tengeke, hikuva va ta vona Xikwembu.

Ku katekile lava nga ni ndlala ni torha ra leswo lulama, hikuva va ta xurha.

Kambe mina ndzi ri eka n'wina: Rhandzani lava nga valala eka n'wina; mi katekisa lava mi rhukanaka; lava mi vengaka mi va endla swinene; mi khongelela lava mi xanisaka

“Ku katekile swisiwana emoyeni, hikuva ku fuma ka matilo i ka swona.

Ku katekile lava lamulaka, hikuva va ta thyiwa vana va Xikwembu.

Ku katekile lava rilaka, hikuva va ta chaveleriwa.

Ku katekile lava xanisiwaka hikwalaho ka ku lulama, hikuva ku fuma ka matilo i ka vona.

Ku katekile vona va tintswalo, hikuva va ta tweriwa vusiwana.

Mi ta kateka loko va mi rhuketela hikwalaho ka mina, loko va mi lumbeta hi mavunwa layo tala. Tsakani, mi tsaka ngopfu hikuva hakelo ya n'wina i yikulu ematilweni, hikuva va xanisile sweswo vaprofeta lavo rhanga.

Ku katekile lavo rhula, hikuva va ta dya ndzhaka ya misava.

“Mi munyu wa misava; kambe loko munyu wu phyama, wu ta lungiwa ha yini-ke? A wa ha ri na ntirho loko ku nga ri ku cukumetiwa ehandle, wu kandziyiwa hi vanhu.

Sweswo-ke, na n'wina, mi hamba mi hetiseka, kukotisa Tata wa n'wina la nga etilweni a hetisekeke.

Kambe ku vulavula ka n'wina a ku ve: ‘Ina, ina’; ‘E-e, e-e’; leswi u swi engetakela swi huma eka lowo biha.

“Mi swi twile leswaku ku vuriwile va te: ‘Tihlo ri rihisiwa hi tihlo, tino hi tino.’ Kambe mina ndzi ri eka n'wina: Mi nga tshuki mi alela la mi endlaka swo biha; kambe loko munhu a ku phakata rhama ra xinene, u n'wi hundzukela ni rin'wana.

“Kungakuloko tihlo ra wena ra xinene ri ku khunguvanyisa, ri xokole, u ri cukumeta ekule na wena; hikuva swi nga saseka eka wena loko xirho xa wena xi lova xi ri xin'we ntsena, miri wa wena hinkwawo wu nga cukumetiwi etiheleni. Loko voko ra wena ra xinene ri ku khunguvanyisa, ri tseme, u ri cukumeta ekule na wena, hikuva swi nga saseka eka wena loko xirho xa wena xi lova xi ri xin'we ntsena, miri wa wena hinkwawo wu nga cukumetiwi etiheleni.