Suosittuja jakeita Raamatun kirjasta MATEWU 10

Jaa

“Vonani, ndza mi rhuma mi fana ni tinyimpfu exikarhi ka mahlolwa, hikwalaho-ke tlharihani kukota tinyoka, mi va lavo kala mano kukota magugurhwana.

La hlayisaka vutomi bya yena, u ta lahlekeriwa hi byona; kambe la lahlekeriwaka hi vutomi bya yena hikwalaho ka mina, u ta tlhela a byi kuma.

“Mi nga tshuki mi chava lava dlayaka miri, kambe va hava matimba yo dlaya moya; kambe chavani loyi a nga ni matimba yo lovisa miri ni moya wa munhu etiheleni.

Kutani la nga tekiki xihambano xa yena a ndzi landza, a nga ndzi faneli.

“Un'wana ni un'wana la nga ta ndzi vula emahlweni ka vanhu, na mina, ndzi ta n'wi vula emahlweni ka Tatana la nga ematilweni. Kambe un'wana ni un'wana la nga ta ndzi landzula emahlweni ka vanhu, na mina, ndzi ta n'wi landzula emahlweni ka Tatana la nga ematilweni.

Hanyisani lava vabyaka, pfuxani vafi, mi basisa va nhlokonho, mi hlongola mademona. Mi nyikiwile ntsena; na n'wina, va nyikeni ntsena.

Hikwalaho mi nga tshuki mi chava, mi tlurisa swindzingiri leswo tala.

“Mi nga tshuki mi anakanya leswaku ndzi tile ku tisa ku rhula emisaveni; ndzi tile ku tisa fumu ku nga ri ku rhula.