Suosittuja jakeita Raamatun kirjasta Иоаннил тӀоцебесеб кагъат 2

Jaa

Гьаб дуниялги бокьуге, дуниялалда бугебги бокьуге. Дуниял бокьулесулъ Инсуде рокьи гьечӀо. Дуниялалда бугебщинаб кколелъул чорхол гьаваги, берзул гьаваги ва гьаб дуниялалъул боцӀудаса чӀухӀиги. Гьеб Инсудасан бачӀараб гуро, дуниялалдасан бачӀараб буго.

Дуниял лъутун унеб буго, гьелдаго цадахъ унеб буго гьелъул чӀухӀи-гьаваги. Амма Аллагьасул амру тӀубазабулев чи абадиялъго хутӀила.

Аллагьгун жив цолъун хутӀулин абулевги хьвадизе ккола ГӀиса МасихӀ хьвадарав гӀадин.

Гьаб дица нужехъе хъвалеб буго, дир лъимал, нужеца мунагьал гьаричӀого рукӀине. Цо лъицаниги мунагь гьабуни, нилъер вуго гьесул рахъалъ Инсул судалда кӀалъазе ритӀухъав чи – ГӀиса МасихӀ.

Жинда гьев лъалинги абулев, амма гьесул амруял тӀуразаруларев чи гьерсихъан вуго, хӀакъабги гьечӀо гьесулъ.

Нилъеда Аллагь лъалев вукӀин бихьула нилъеца гьесул амруял тӀуразарулел ругони.

Жив канлъуда вугиланги абулев, амма жиндирго диналъул вац вокьуларев чи жеги бецӀлъуда вуго.

МасихӀ гурилан ГӀисаде абулев чиги гьерсихъан гурев ватани, гьерсихъан щивха цинги кколев? Гьединав чи ккола Инсудасаги Васасдасаги инкар гьабурав Тажал.

Васасдаса инкар гьабулевщинав чияс Инсудасаги инкар гьабула. Вас къабул гьавуравщинав чияс Эменги къабул гьавула.