Suosittuja jakeita Raamatun kirjasta Yakobo 1

Jaa

Anyandughu vanë, mutendeke mwina uyanjo utüfu na maighiyo hiyahiya, gusoko mumanyie mwino uëghëëywa gwa uhuvëi wanyu ugumweetea ughimëëyi.

Ëgweeso nësa umwe wanyu wakefewa ihaa, uvii imunoneye amurombe Muungu nëugudaha umufa, gusoko Muungu uguvafaa voong'e gwa gëhe.

Anyandughu vanë ayanjwi, rëkümbükwi ihanyo ërëë. Muu muntu na atendeke mworo wa utegheeya, ëgweeso ti mworo wa urighëëtya na ti mworo wa ukwatwa ikuwo.

Mumanye mwino ughimëëyi wanyu ugumwimëcha faka mpeo, mudahe utendeka mwi vaja ino na mukhondekie, gwa udëa ukefewa ukhani mba umwe.

Mutikhongee nyenye aghonjo, gwa utegheeya gutufu ukhani wakwe, ëgweeso tendi mwino ukhani uguhanya.

Bahu akwe muntu nëugimëka vija mumaghemwa, gusoko nëwaghimëëya ugufewa gëfewa ga ufanga gasëë në Muungu wawafee iraghano vasaa nëvëmwaanjëte.

Muu gëfewa në gëja na muu gëfëwa nëgëkhondekie gëufumaa girunde, gëufumaa kunë Tata, mutundi wa vimwëë, mweeso nëatiukhaanëkëkaa mbesa atikweti gahada manduvë ga ufëëntukanga.

Muntu gëkaku nëuguutegheeyaa ukhani wasuu gweeso atiutenda mwino uguhanya, wasuu wëë mwino muntu nëugiraraavaa ikeru rakwe mughonjo mu giroore. Ugiraravaa mweeso mughonjo, faafo ugwendaa kunë winjë, na muu gënyafaafo ugyëwaa mwino chu urë.

Diini nënjija ino na në ëtikweti ihondo usonge a Muungu Tata unë chëëyë: Uvaarëëya anaakëva nanë ahimbë mu malwe awe, na gighoja mughonjo utakhombwee na urëmi uruu.

Në muntu waigheeywa atahanyee: “nëuigheeywa na Muungu.” Gusoko Muungu atiuigheywa na uvë, mbesa mweeso atuigheeywa në muntu mbaumwe. Ëgweeso muntu uguigheywa nauguutwa na ukwatiwa na nkümbü yakwe në mbë.

Munyandughu në mütuki imunoneye ayanje itungo në Muungu wamuhumbuchaa