Suosittuja jakeita Raamatun kirjasta 1 Fetero 3

Jaa

ëgweeso munkhoo yanyu mukuri gwa ikuryo në iküü Kiristo mwino Müküü. Matungo oong'e ighondanëyi umusucha muntu woong'e në ugumuwëëya nyenye mumusuche gusoko a ighonje në rë mukhatë anyu, kë mutende vii itambëëmwe na ufoo nanë ikuryo. Nkhoo yanyu itendeke njeruchwë, gusoko nësa antu vëumurighëëtya nyenye vivë gusoko a uduvi wanyu në uja gusoko amwa Kiristo veeso vëdahe goona mënyaa.

Gusoko miho a Müküü ëguvihengaa antu në vëutenda tutë, na makutwë akwe ëgutegheeya marombi awe. Ëgweeso Müküü uguvafëngaa avoo në vëutendaa në mavë.”

Uja wanyu utatende wa gënjinji wa gëjëfëya gwa ukundëka ntuka, gëtambëëya gwa sahabu, nanë urya masaa në a ughuri në üküü. Ëgweeso uja wanyu utendeke wa munkhoo nëwifihie itambëëmwe na sahabu nëëtiuruvëkaa. Uja wanyu utende wë moomo na nkhoo në ëtina faghafagha. Uja uruu wina sao nküü usonge a Muungu.

Gusoko, “Mweeso nëugufenja uyanja ufanga na goona matiku në maja, mweeso nëaughëëye urëmë wakwe utarighëëtye nkhani në mbë (uvë) na amëghëëye mëomo akwe ufuma urighëëtya wegheghe. Mweeso nëafentuke ufuma utenda në mavë na utenda në maja. Mweeso në ikunkunyaye ufenja majëghana gwa nkhoo akwe oong'e.

Gwa umarëëya, nyenye nyoong'e tendi mwina ukhuvëi wa nkhoo. Mugionee uvavi nyenye gwa nyenye na giyanja nyenye mwino anyandughu vëutendaa. Mutende mwina nkhoo njija nyenye gwa nyenye na mwinyumpie mu muntu na muyakwe. Nyenye mutasukëye uvë gwa uvë matuki gwa matuki. Ëgweeso hiya na ësëë nyenye forii, gusoko a ërëë Muungu wamutanie nyenye, uvii nyenye mudahe uhanga mboto.

Tutë gutie muntu në ugumutumua nyenye nesa nyenye mwina nkümbü a utenda në maja.

Mweeso nëafentuke ufuma utenda në mavë na utenda në maja. Mweeso në ikunkunyaye ufenja majëghana gwa nkhoo akwe oong'e.

Gusoko në vija nanguu utenda në maja, nësa uvii ëgutendeka mafenji a Muungu ukëra utenda në mavë.