Suosittuja jakeita Raamatun kirjasta KĨAMBĨRĨRIA 45

Jaa

Na rĩu menyai mũigue ũũru, kana mwĩrakarĩre, nĩ ũndũ wa kũnyendia mũgĩtũma ndehwo gũkũ; nĩ ũndũ Ngai nĩwe wandekirie njũke mbere yanyu nĩ getha ’honokie mĩoyo ya andũ.

Tondũ ũcio ti inyuĩ mwandehithirie gũkũ, no nĩ Ngai; na nĩatũmĩte nduĩke ta ithe wa Firauni, na mũnene wa nyũmba yake yothe, o na mwathi wa bũrũri wothe wa Misiri.

Ngai nĩwe wakĩndekirie njũke gũkũ mbere yanyu nĩ getha ndũme matigari manyu matũũre gũkũ thĩ, na ndĩmũhonokie mũtũũre muoyo na ũndũ wa kũhonokanio kũnene mũno.

Ningĩ Jusufu agĩkĩĩra ariũ a ithe atĩrĩ, Ndamũthaitha, okokai harĩ niĩ, magĩkimuokokera. Nake akĩmera atĩrĩ, Nĩ niĩ Jusufu, mũrũ wa ithe wanyu ũrĩa mwendirie Misiri.

Nĩ ũndũ rĩu nĩ mĩaka ĩĩrĩ mĩthiru gwata ng’aragu yagĩa bũrũri ũyũ; na ningĩ nĩ hatigaru mĩaka ĩngĩ ĩtano hatekũgĩa icimba kana magetha.

Jusufu agĩkĩĩra ariũ a ithe atĩrĩ, Nĩ niĩ Jusufu; ĩ baba akĩrĩ o muoyo? Nao ariũ a ithe makĩremwo nĩ kũmũcokeria ũndũ; nĩ gũkorũo nĩmaagegearĩte mũno monana nake ũthiũ na ũthiũ.