Suosittuja jakeita Raamatun kirjasta Roomi 12

Jaa

Gaawetonaa biin emirikkii beetona, shappaalloonoo tuneti Yeerichi daaggoon xiishii ariyoon ittoshi hakkemmoyich, Yeeri andire mulloon bi imaa andirebotalli, hini alemeexi asheenaꞌochi mooyon dabbiyaahote.

Illa ta maneenaꞌote! Ittoshi ashittinoon Yeerin emirikkiibeeto, yaafoonaa kashechi deejjoonon tuniiree biich ittoshi giddiyemmoyich Yeerichi ariqqoona ittoshin qollehoye; ebiyoo Yeerich ittoshi goyinnemmi tunibede gommone.

Gibeno ittoshich beetoyich emiribote; iritoon haaꞌiibote; corootoona kupphebote.

Gondoon deꞌoona wochiballi, gondo neen koyi wochaaye.

Manaamanoochoommon ittoshinaa ittoshina shunebote; ittoshinaa ittoshina ikkoo baroon oogiibe.

Ittoshich beeti shuno qettoyee damboo tunaaye. Gonde mooyon tiyaarebote; gaawe mooyona tookki ikkottebote.

Asho bullina tookkii diggoona beemoyich ittoshich hakkeeto bullin tuniibote.

Ta shunechinaꞌote! Nichoon kichiyaahote. “ ‘Gondoon shuunetinaꞌo toommooch nichoon kichemmo taane; bareenaꞌon boonoshi xuuxiitoommon ta wochiree boonoshin xuuxiyemmo taane’ itone Doono Yeeri” getaa Yaafe Macaafooch kooreetone. Ebich Yeerich bulliibote.

Ittoshi shuuneebeeti shuunoona kupphebotani beeneyaahote; qeeci mulloona Doonoyich maddebote.

Yeeri taach immiti wojjoona ebin ittoshi bullich gettaabeeto taane: Yeeri bi ikkikkoyich bi immiti mullee tooꞌiyoommon tachiree gabiballi, “Ta besh taane” geti geecoona gabaaye.

Konichona gondoochi keroon gondoon wochiyaahote; asho bulli aafooch gaaweto tuneti mooyon gabibote.

Ittoshinaa ittoshina ikke mulloona ikkottebote; qellee oogiyee mooyon gabiyaahote; tunebaani qallayeetinaꞌona tookki ikkittinoona beebote. “Mullecho taane” getiree naadeyaahote.

Ebiyeenoo, “Ne etto shaacegaata, maanjibe! Bi shachewegaata, uchibe! Ebin tuniyoona bi toommooch qaaqqee bunoon shookkemmo neene.”

Ittoshin duꞌii beetinaꞌon Yeeri diiremmoyich qollebotalli, uppaahote. Emirii beetinaꞌona tookki emiribote; eeppii beetinaꞌona tookki eefote.

Muccee iriteeti kittinnee maneenaꞌoyich ittoshich beetoochee qoodibote; iibbeenaꞌon iibbiyoyich kupphebote.

Ikke ashittinooch meeti quumeenaꞌo beetinaꞌone; tunebaani quumeenaꞌo bullichi shuunoo ikkoo toonoone. Ebiyoommon no wotta meeto tunaachaa Kiristoosina ikke ashittino noone; noonnaa noonna no ikkikkoo bareenaꞌochi quumo noone.