Suosittuja jakeita Raamatun kirjasta 1 Kōrinto 5

Jaa

Tāꞌaku kī: nuꞌu nō era mo kī atu he taina rāua o kōrua ꞌi te haka moe iŋa i te manaꞌu ꞌi ruŋa i a Ietū, ꞌe te rāua meꞌe aŋa he moe i te viꞌe ꞌo i te taŋata taꞌe he viꞌe ꞌo he kenu ꞌāꞌana, he nou-nou, he haꞌamuri ki te ꞌītoro, he vānaŋa taꞌe tano mo te rua, he rava taꞌero, ꞌo he toke, ꞌina kōrua ko ai he repahoa o rāua, ꞌe ꞌina ko kai ꞌi muri.

Te meꞌe haŋa he toꞌo mai roto i a kōrua i te revaura ena, ki ai ai a kōrua he nūnaꞌa taŋata ꞌina e tahi kope hara o roto, pa he haraoa aŋa iho taꞌe hoa hai revaura. A kōrua, paꞌi, he haraoa kai ꞌi te ⌊Pakate⌋ ꞌina he hoa hai revaura, he nuꞌu ꞌina e tahi hara ꞌo te ⌊haka moe i te manaꞌu⌋ ꞌi ruŋa i a Ietū. E manaꞌu: a Ietū he māmoe o te Pakate tūtia mo haka eꞌa i a tātou mai roto i te hara.

Taꞌe he meꞌe o tātou te kī i te meꞌe tano ꞌe i te meꞌe taꞌe tano o te nuꞌu taꞌe haka moe i te rāua manaꞌu ꞌi ruŋa i a Ietū; mo te ꞌAtua a rāua e kī. Ki te nuꞌu haka moe i te manaꞌu ꞌi ruŋa i a Ietū a tātou ana ture. ꞌO ira, e haka eꞌa mai roto i a kōrua te kope hara.