Suosittuja jakeita Raamatun kirjasta 1 Kōrinto 10

Jaa

E manaꞌu tātou: te meꞌe haka ꞌatu i a tātou mo hara ko te meꞌe ena ꞌā e haka ꞌatu ena i te taꞌatoꞌa nō taŋata mo hara. ꞌIna ko rehu ꞌi te hora o te haka ꞌatu: te ꞌAtua ꞌina e ko taꞌe haka tano i tāꞌana meꞌe kī. Ko kī ꞌana, paꞌi: ꞌina e ia e ko haꞌatiꞌa mo haka ꞌatu mai i a tātou hai meꞌe e ko ravaꞌa e tātou mo haꞌaoromaꞌi, ꞌe, takoꞌa, e vaꞌai rō mai e ia i te rāveꞌa mo eꞌa o tātou ꞌina kai hara mai rā meꞌe era mo haka ꞌatu mai.

E te taina, te tano mau: te meꞌe taꞌatoꞌa ena o kōrua mo aŋa, ꞌātā mo kai ꞌe mo unu, e aŋa tahi mo koa o te ꞌAtua ꞌe mo ꞌata moꞌa o te taŋata i a ia.

ꞌO ira, te kope manaꞌu e haka moe riva-riva rō ꞌana a ia i te manaꞌu ꞌi ruŋa i a Ietū e uꞌi ꞌo hara.

He parautiꞌa te vānaŋa ena e kī ena: «ꞌIna he meꞌe taꞌe haꞌatiꞌa i te taŋata mo aŋa i tāꞌana meꞌe haŋa». Ka ai atu pē ira, taꞌe taꞌatoꞌa meꞌe he meꞌe riva-riva mo te taŋata, ꞌe taꞌe taꞌatoꞌa meꞌe he meꞌe haka hio-hio i te manaꞌu ꞌi ruŋa i a Ietū.

ꞌIna koe ko manaꞌu ki te meꞌe mo te riva-riva mau nō ōꞌou; e manaꞌu ki te meꞌe mo te riva-riva o te tētahi.