Suosittuja jakeita Raamatun kirjasta II Kôrantô 12

Jaa

ƀiădah Ñu lač kơ kâo, “Klei kâo pap djăp leh kơ ih, kyuadah klei myang kâo bi êdah klă hlăm klei ih awăt.” Snăn kâo srăng bi mni kơ kâo pô lu hĭn kyua klei awăt kâo, čiăng kơ klei myang Krist dưi dôk ti kâo.

Snăn kyua Krist kâo mơak tŭ klei awăt, klei arăng dlao wač, klei dleh dlan, klei arăng ngă jhat, leh anăn klei jŭ jhat; kyuadah êjai kâo jing awăt, hlăk anăn kâo jing ktang.

Ƀiădah tơdah kâo čiăng bi mni kơ kâo pô, kâo amâo srăng jing mnuih mluk ôh, kyuadah kâo srăng blŭ klei sĭt. Ƀiădah kâo amâo ngă snăn ôh, čiăng đăm mâo mnuih mĭn kơ kâo êgao hĭn kơ klei ñu ƀuh hlăm kâo, amâodah hmư̆ mơ̆ng kâo. Leh anăn huĭdah kâo bi mđĭ kâo pô kyua lu êbeh klei bi êdah yuôm bhăn kâo ƀuh, Aê Diê dưm sa aruăt êruê hlăm asei mlei kâo, jing dĭng buăl Satan, čiăng bi knap kâo, huĭ kâo jing mgao.