Suosittuja jakeita Raamatun kirjasta LOM 12

Jaa

Eka ibo dabalim nakaia unangai kukubo amito mo wafu nimibe! Gode bobol tem funino mema osa mema kukub osa ibo omkayebe kesoa ibo amitie e bobol tem funin ota wafu bianiba e kukub ota namine! Ibo kukub olo inamib mole Gode kukubo ibo namine gabeo tekein kenomabiobe. Eka okok ayamo nakaia unangai daayemin okok osa eka okok mako okok kemibo Gode seinyemabe osa eka okoko ibo daabenoa naka molot unang molot anomabib osa tekein kenomabiobe.

Inamin kesoa ne nekwal ibo wentine! Gode nibo dohalilanea daabenebio kesoa ne ibo sbal weng baabenamabibe. Ib dam osa ib bobol tem funin osa Gode omaniba makob nakaia unangai eil sibsibi yenaniba funiba Gode heitdabanabib inaniba ib dam osa bobol tem funin osa Gode omaniba Gode kukub ayam ota namine! Ibo inaib mole Gode niniino moton dobtouleb nomabiobe. Gode inamin kukubo kla gobo biebe.

Gode ibo baabenea Yesus Klaiste imin tenea ibo dletnea moniba ne bibam ye unaniba amit nomabiobo genebio kesoa ibo e weng olo kla fumbianiba seinine! Enino ib dimo tam tlamo ibo sbal maniba amitie Gode nganhamine!

Ibo kukub misiamo mo wafu blibta o ibo mo ge dlanomone! Ibo kukub ayam ota nabiba ib kukub ayamo kukub misiamo wandakibilanoko!

Ibo ib bobol temo bainobo galin naka mak unang maki omyeniba gobenomabibo makob nakae e bobol temo e dab tleminwali omyenea gobe bie inaine! Ibo naka mak unang maki mo baabenibta Ne naka ayamobo, ne okok osa ayamobo galaibe! Ibo hebmamsab naka mak unang maki niniin ota omfabesese nine!

Ibo Ni bobol temo ni nekwali omyenoba gobenomo geib mole bain omyeniba gobeine! Ibo mo omyobobo genibta dim baanimibe! Ibo kukub misiamo ib nekwali omkayemin kukubo deibueine, o mo gobo nimibe! Ibo kukub olo deiboniba kukub ayam osa eka daayemin kukub osa ota kla wafueine!

Ibo awa genalin bobolo mo funimibe! Ibo besa gil bianiba fumbianiba Ni mo monobta naka maki mo tenanobta awao mo genaobe ge funine!

Ne kla gobe bli nakaia unanga ibo kla wentine! Naka maki ibo kukub misiamo nabenimibo ibo ibmalo mo yang kenimibe! Deibeibta Gode atlihamin ota yang kenoko! Sume e buk temo baanea Yang kemin kukubo ne okokobo, nemaye yang kenita enino omyamabibo genebiobe.

Ibo Gode okoko okok kebibo tengo mo yemone! Gode Hobe ibo bekebe bianea daayebe kesoa ibte ete naniba Sume Gode okoko sbalma okok kemine!

Gode ne daatnenea e okok olo omnebio kesoa elekiem olokiem ibo ne weng olo baabenamabibe. Ibo untako mo ngambianibta Ni naka sumobo ge funimibe! Ib bobol temo fumbianiba Ne Yesuse bainobo gabi ota Gode titilo ne omnebu ota omonita okok kebibo, ne nene titilo mo okok kebibabo ge funine!

Eka naka maki ibo kukub misiamo omyib mole ibo mo yang kenibta i kukub misiamo omyaibe! Ibo bobol temo kla fumbianiba nakaia unangai kin dimo okoko klayam ota okok kemine!

Bainobo galin nakaia unanga ibo ib bobol tem funino makob aine! Ibo ilib untako mo ngambianibta Ni niniin sumobo galaibe! Ibo nakai niniin sumbai tenaniba makob haaine! Ibo mo funanibta Ni tekein kemino sumobo ge funimibe!

Eka Gode buk temo weng mak osa imin baanoa Ib wasi nakai imen tebo yebo mole imeno oyiba dowonine! Eka i aan tebo yebo mole aayo oyiba doweine! Ibo kukub olo inabeib mole i kukub misiamo ibo omkayebibo aal waisenamabobo ge baanobiobe.

Naka maki ibo kukub misiamo omyib mole ibo Gode baabaniba Naka eli daabenale ge baabaine! Ibo Gode mo baabanibta Naka eli yenaneba kaaine ge baabanimibe! Eka nakaia unangai seimbib mole ib tena seinine! Naka mak unang maki kukub misiamo i dimo tam tloa memib mole ib tena memine!

Ibo ib nekwali bainobo gabibi maki afobeingo blim blibi daayemine! Eka bib mak nakai teniba ib bibamo tlaibo dleb taniba ib am tam daniba imeno doyine!

Nibo tekein kebuobe, nib damo olokiem otane o atosino homonobe. O okoko makobbabe, afet afetobe. Inaminobe, Klaiste bainobo galin nakaia unanga nibo homon otane nibo Yesuse tenanoba nib bobol tem funino makob am biob kesoa nibo makob e dam olokiemobe. Eka bainobo galin nakaia unanga nibo nib sinwalo daabesese biobo nib daayemin kukubo afet afet kesoa kukub olo makob nib damo atosino afet afeto ulabobe.