Suosittuja jakeita Raamatun kirjasta MARK 13

Jaa

Tüsho I mung dünkheaknü mihtsürü alalanü nüsa thraneanbah. Tüshe shepünü akheam khiungde arümbanü akhümkhitbah.

Kurhangang, aheangang, tüsho tamkhüntamnüang; tümüde kim küyimkianü nüsanü mümükheah.

Tüshe küyimki arünü nüsa rama jihbanü, akhuhlimnü mulong düsansan, yungsho nüsanü tümü thabaki de dülüm. Tüshe ju kim ching tümüpürü nüsa ki lümkhitshihbanü ju thaang; tümüde athabuh ju nüsa yung, tüshe Amüsüh Me ah.

Thüning tüsho alomi hode atsobah, tüshe I yubo a küyimkishe hode mutso.

“Tüshe ju nimung tüsho kim Abuh kheak hode, yinmi yunirübo yungsho Atsührü yungsho shenü she mümükheah.

Küyimki nüsanü thirithsü düsheakbo sobanü dümüyinsah; tümüde hadürü dünjibah, tüshe akheam marüyi.

Jumonü kurhangang, tümütüsho thüyam putungrü ju arelim a shi, tsüngphulung a shi, thunu khungchoki a shi, dashi yapsu arübanü nüsanü mümükheah. Jude yungsho zukleangnü arübah apinü nü yapa ngübah. Inü tümü nüsa ki thachonü, mihbüm aban ki thachoh: ‘Kurhangang!’ ”

Tümütüsho trükshihnü trükshih azhihde awusubah, tüsho kiulongthsünü kiulongthsü azhihde awusubah. Dangpung dangpung ching muliuyuk züngbah, tüsho khümzung le küpkhukbo labah. Harü ha zübe thsünü atankihbo lah.

Tüsho akhuhde trükshih alala ki thiyusheak-atsü thsangyuthsangrabah.

Tümüde ahihkhühnü I mung chingnü thade arübah, ‘I api ah,’ tüsho ahihkhüh mülapyukbah.

“Tüshe nüsa thsungkheaknü kurhangang, tümüde nüsabo kiuthsübinkiu kilim jihbah, tüsho sinagogbo ching nüsa lakbah. Tüsho arü ki thiyumütsan thsüde I dünkheaknü nüsabo yakzanshuhrübo le kiulongthsürübo miki bedarübah.

Tümütüsho arükchih Khristabo tüsho arükchih wukihrübo akhiukbah tüsho kuksho amokhitrü she mülapyukpü amütsanbo tüsho amüyinsahbebo huhbah.

“Tüshe jurü nimungbo ching, thsümütsü dunglim, ani mitingde akambah, tüsho khinunü ayin müjih; thüning ching chiningbo keamkhibah, tüsho thüning ching lakhi sühmühbo niukbah.