Aŵaloma 2
2
1Pakuti pali fyefyo, tokwete-po uŵulunji, wemuntu, weulukweŵo'muŵyoŵe; pakuti umo umu weŵo'muŵyoŵe, mopele umo emo ulisinina; pakuti weŵo, weweŵa, ulacite'fintu ifyo fyopele. 2Kaŵili tuliisi ati ŵaLesa ŵalaŵeŵa ifyacine aŵo aŵacite'fintu ifyakuŵe'fyo. 3Lomba, wemuntu, weuŵeŵa aŵo aŵacite'fintu ifyakuŵe'fyo, nekuficita fyopele'fyo wemwine, kani ulukulaŋguluka ati ukapuluka kukweŵa kwaŵaLesa? 4Kani ulukupufya uwuwile bwakuwama kwaŵo neŋkumbu syaŵo neluse, nekuŵulo'kwisiŵa ati ukuwama kwaŵaLesa kulukukutanjilila kukwaluluka mumutima? 5Sombi pakuti pacitala icamumutima woŵe ukukano'kwaluluka, ulukulilamina uŵukali pakasuŵa kaŵukali, ili kukafisuluka ukusololola ukuluŋgeme kwaŵaLesa.
6Ŵopele eŵakaŵabwesesya aŵantu ŵonse koti kucita kwaŵo: 7kuli ŵaŵo aŵafwaya-fwaya uŵuleme nekucindikwa nefyakuŵulo'kuŵola, pakulukucite'fiweme nemitimanteka, ŵakapela umweo uwamuyayaya: 8sombi kuli ŵaŵo aŵamileŋgululo, aŵapulaisya ŵucine, nekutumikwa kufisendeme, pakaŵa ukukalipa nekufitwa, 9nekukululuka nensoni isikulu, pamitima yonse iyaŵantu aŵacite'fiŵipile, iyaŵaJuda tanje, neyaŵaEla naŵo; 10sombi uŵuleme nekucindikwa neŵutende pakaŵa kuŵantu ŵonse aŵacite'fiweme, kuŵaJuda tanje, nakuŵaEla naŵo. 11Pakuti ŵaLesa taŵali nemusalululo paŵantu.
12Pakuti aŵantu ŵonse aŵaŵifisye ukwakuŵulo'kwisiŵa'mafunde, ŵakonaika ukwakuŵule'milandu yamafunde; sombi aŵantu ŵonse aŵaŵifisye, ili ŵakomekwa kumafunde: imilandu yaŵo ikasololoka kumafunde; 13pakuti aŵo aŵomfwa lukoso ifunde, tawaluŋgeme pamenso aŵaLesa, sombi aŵo aŵacita koti lifunde ilyo ewakaluŋgama, 14Pakuti aŵenafyalo, aŵataŵakwete amafunde, ili ŵacita pakuti pakwisiŵila kwaŵo ifintu fyamafunde, aŵo, naŋgawa ati taŵakwete-mafunde, ŵalaliikalila koti mafunde aŵene; 15pakuti ŵalalanjisya imilimo yamafunde alembelwe mumitima yaŵo, nekulitutula ukwamuli cimaŋga waŵo nekusimika pamo, nekulaŋguluka kwaŵo nekwalakanya ukuŵasinina neli kuŵalunjika. 16Ifintu ifyo fikaŵa pakasuŵa ako ako ŵaLesa ŵakasololola kuli ŵaYesu Klistu ifyakumfiso ifyaŵantu, koti nifyopele'fyo ifi nsimika muCeŵo leiweme.
17Sombi cipale uli nesina lyamuJuda, nekulukupema-mo mumafunde, nekulukutaŋgalila muli ŵaLesa, 18nekwisiŵo' kufwaya kwaŵo, nekulukusumina ifintu ifiweme, pakuti pakusambisiwa kumafunde. 19Ulukulieŵa ati ninentanjisi yampofu nemwine, ninekutuŵa kuli ŵaŵo aŵali mumfinsi, 20ninewakulunjika aŵatumpile, ninemusambisi wancece, pakuti mumafunde weŵo uli nekesiŵilo kakwisiŵa naŵucine. 21Weŵo lomba, weusambisya umuŵyoŵe, kansi tolisambisya wemwine? Weusimika ati tekwiŵa, kansi niwewiŵa? 22Weusimika ati tekucito'ŵucende, kansi niwe ucito' ŵucende? Weukanamina ifiŵumbwawumbwa, kansi niweukowesya'matempuli afiko? 23Weutaŋgalila mumafunde, kansi niweupulaisya'mafunde, nekuŵapufya ŵaLesa? 24Pakuti nesina lyaŵaLesa lilukucoŵolwa pakati paŵenafyalo pakuti pali mweŵo, koti nifyopele'fyo ifilembelwe.
25Pakuti ukukopola kulukofwa-ko icine, kani uli wakucita koti mafunde; sombi kani uli wakupusya'mafunde, ukukopolwa koŵe kuliŵele kuwulo'kukopolwa. 26Pakuti pali fyefyo, kani umuntu uwakuwulo'kukopolwa alukulama' masiwi amumafunde, kansi takukebwa koti kukopolwa ukuŵulo'kukopolwa kwakwe? 27Nakaŵili uyo, uwakuŵulo' kukopolwa koti kwisiŵila kwakwe, sombi ucita koti mafunde, kansi taakakusinina weŵo, weupusya'mafunde, naŋgaŵa ati uli nemasiwi nekukopolwa? 28Pakuti uyo uli muJuda pesonde peŋka, taali muJuda wacine; nekukopolwa uko ukuli pesonde ukuli mumunefu takuli kukopolwa kwacine; 29sombi uyo muJuda, uli muJuda mumutima; nekukopolwa nako kwamumutima, kwamupasi; takuli kwamasiwi. Umuntu uwakuŵe' fyo taatotwa-po kuŵantu, sombi alatotwa kuli ŵaLesa.
اکنون انتخاب شده:
Aŵaloma 2: AAL59
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Lamba Bible Version © United Bible Societies, 1959.